ກອງປະຊຸມເຈົ້າໜ້າທີ່ອາວຸໂສຂອງງານວາງສະແດງສິນຄ້າຈີນ-ອາຊຽນຄັ້ງທີ 15 ທີ່ຈັດຂຶ້ນຢູ່ນະຄອນນານນິງເຂດກວາງຊີ ສປ ຈີນໃນວັນທີ 13 ມີນານີ້ແຈ້ງໃຫ້ຮູ້ວ່າ, ງານວາງສະແດງສິນຄ້າຈີນ-ອາຊຽນຄັ້ງທີ 15 ຈະຈັດຂຶ້ນຢູ່ນະຄອນນານນິງເຂດກວາງຊີຂອງຈີນແຕ່ວັນທີ 12 ຫາວັນທີ 15 ກັນຍາປີນີ້, ໂດຍເນັ້ນຫົວຂໍ້ "ຮ່ວມກັນສ້າງເສັ້ນທາງສາຍໄໝທາງທະເລໃນສະຕະວັດທີ 21, ສ້າງປະຊາຄົມຮ່ວມການປະດິດສ້າງໃໝ່ຈີນ-ອາຊຽນ".
ປີນີ້ຈີນ-ອາຊຽນສ້າງສາຍພົວພັນຄູ່ຮ່ວມມືຍຸດທະສາດຄົບຮອບ 15 ປີ, ທັງແມ່ນງານວາງສະແດງສິນຄ້າຈີນ-ອາຊຽນສ້າງຕັ້ງຂຶ້ນຄົບຮອບ 15 ປີ, ແລະກໍແມ່ນປີປະດິດສ້າງໃໝ່ຈີນ-ອາຊຽນອີກດ້ວຍ. ສະນັ້ນ, ງານວາງສະແດງສິນຄ້າຈີນ-ອາຊຽນຄັ້ງນີ້ຈະຖືໂອກາດດັ່ງກ່າວ, ລົງເລິກການຮ່ວມມືໃນຂົງເຂດເສດຖະກິດການຄ້າ, ປະດິດສ້າງໃໝ່ແລະອື່ນໆ, ຊຸກຍູ້ການກໍ່ສ້າງເສັ້ນທາງສາຍໄໝທາງທະເລໃນສະຕະວັດທີ 21 ຈາກຄວາມຮັບຮູ້ເປັນເອກະພາບກັນກ້າວໄປສູ່ການປະຕິບັດຕົວຈິງ, ຊ່ອຍເຫຼືອຊຸກຍູ້ການສ້າງປະຊາຄົມຮ່ວມຊາຕາກຳຈີນ-ອາຊຽນທີ່ມີທັດສະນະຄະຕິເຊື່ອມຈອດກັນ, ແບ່ງປັນຄວາມຈະເລີນຮຸ່ງເຮືອງແລະມີໜ້າທີ່ຮັບຜິດຊອບຮ່ວມກັນ.