ວັນທີ 14 ມີນານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງໂທລະເລກຊົມເຊີຍໄປຍັງທ່ານນາງແອງເຈີລາ ເມີແຄວ ທີ່ໄດ້ຮັບເລືອກຕັ້ງແລະດຳລົງຕຳແໜ່ງນາຍົກລັດຖະມົນຕີເຢຍລະມັນເປັນສະໄໝທີ 4.
ທ່ານສີຈິ້ນຜິງກ່າວໃນໂທລະເລກຊົມເຊີຍວ່າ, ພາຍຫຼັງຈີນເຢຍລະມັນສ້າງສາຍພົວພັນຄູ່ຮ່ວມຍຸດທະສາດຮອບດ້ານເມື່ອປີ 2014 ມານີ້, ພາຍໃຕ້ຄວາມພະຍາຍາມຮ່ວມຂອງສອງຝ່າຍ, ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງຕໍ່ເນື່ອງ, ຜົນປະໂຫຍດຮ່ວມແລະການຮ່ວມມືຕ່າງຝ່າຍຕ່າງມີຜົນປະໂຫຍດໄດ້ເຂົ້າສູ່ລວງເລິກຢ່າງບໍ່ຢຸດຢັ້ງ, ສອງຝ່າຍໄດ້ດຳເນີນການຮ່ວມມືຢ່າງໃກ້ຊິດໃນການຊຸກຍູ້ການຄຸ້ມຄອງທົ່ວໂລກ, ຊຸກຍູ້ເສດຖະກິດໂລກາພິວັດແລະລັດທິຫຼາຍຝ່າຍແລະອື່ນໆ. ຂ້າພະເຈົ້າໃຫ້ຄວາມສຳຄັນສູງຕໍ່ການຂະຫຍາຍສາຍພົວພັນລະຫວ່າງສອງປະເທດ, ຍິນດີທຳຄວາມພະຍາຍາມຮ່ວມກັບທ່ານ, ປັບປຸງແລະຍົກລະດັບຄວາມໄວ້ເນື້ອເຊື່ອໃຈທາງຍຸດທະສາດລະຫວ່າງສອງປະເທດໃຫ້ສູງຂຶ້ນ, ຊຸກຍູ້ໃຫ້ສາຍພົວພັນລະຫວ່າງສອງປະເທດກ້າວຂຶ້ນສູ່ລະດັບໃໝ່ແລະມີຄວາມກ້າວໜ້າໃຫຍ່ຫຼວງກວ່າເກົ່າ.
ມື້ດຽວກັນ, ທ່ານຫຼີເຄີ້ສຽງ ນາຍົກລັດຖະມົນຕີຈີນກໍໄດ້ສົ່ງໂທລະເລກຂົມເຊີຍເຖິງທ່ານນາງເມີແຄວເຊັ່ນດຽວກັນ.
 |
