ວັນທີ 14 ມີນານີ້, ທ່ານໂດນັນ ທຣຳ ປະທານາທິບໍດີອາເມລິກາໄດ້ປະກາດປົດໜ້າທີ່ຂອງທ່ານ ເຣກສ ຕີເລິເສີນ ອະດີດລັດຖະມົນຕີກະຊວງການຕ່າງປະເທດອາເມລິກາ ແລະແຕ່ງຕັ້ງທ່ານໄມກ ພົມເພວ ຫົວໜ້າອົງການຂ່າວລັບສູນກາງອາເມລິກາດຳລົງຕຳແໜ່ງເປັນລັດຖະມົນຕີກະຊວງການຕ່າງປະເທດອາເມລິກາຄົນໃໝ່.
ມື້ດຽວກັນ, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງວ່າ: ຈີນຍິນດີພະຍາຍາມຮ່ວມກັບລັດຖະມົນຕີກະຊວງການຕ່າງປະເທດອາເມລິກາຄົນໃໝ່ ເພື່ອຊຸກຍູ້ສາຍພົວພັນຈີນ-ອາເມລິກາໃຫ້ສືບຕໍ່ພັດທະນາຢ່າງໝັ້ນທ່ຽງ.
ທ່ານລູ້ຄ່າງກ່າວຕື່ມວ່າ: ຈີນ ແລະອາເມລິກາສາມາດດຳເນີນການຮ່ວມມືໃນບັນຫາທີ່ເຄັ່ງຮ້ອນຂອງພາກພື້ນ ແລະສາກົນກໍເນື່ອງຈາກວ່າມັນສອດຄ່ອງກັບຜົນປະໂຫຍດຮ່ວມຂອງສອງຝ່າຍ ແລະເປັນການຄາດຫວັງຂອງປະຊາຄົມໂລກ, ສະນັ້ນ ຈີນຫວັງວ່າຈະສາມາດສືບຕໍ່ຮັກສາທ່າຂະຫຍາຍຕົວຈອງການຮ່ວມມືກັບອາເມລິກາ. ຂະນະດຽວກັນ, ທ່ານລູ້ຄ່າງຍັງໄດ້ສະແດງຄວາມຊົມເຊີຍຕໍ່ທ່ານຕີເລິເສີນທີ່ໄດ້ປະກອບສ່ວນເພື່ອສາຍພົວພັນຈີນ-ອາເມລິກາໃນໄລຍະປະຕິບັດໜ້າທີ່ຂອງຕົນ.