ໃນກອງປະຊຸມຄັ້ງທີ1 ຂອງສະພາປະຊາຊົນແຫ່ງຊາດຈີນສະໄໝທີ 13ທີ່ຈັດຂຶ້ນຢູ່ນະຄອນຫຼວງປັກກິ່ງ, ທ່ານຫວາງອີ້, ຜູ້ແທນສະພາປະຊາຊົນແຫ່ງຊາດ ທັງເປັນຮອງຫົວໜ້າສະຖາບັນຄົ້ນຄວ້າ ແລະທີ່ປຶກສາຍຸດທະສາດວິທະຍາສາດເຕັກເຕັກນິກຂອງສະຖາບັນວິທະຍາສາດຈີນໄດ້ສະເໜີໃຫ້ລົງເລິກການຮ່ວມມືໃຕ້ໃຕ້ເພື່ອຮັບມືກັບການປ່ຽນແປງຂອງດິນຟ້າອາກາດ, ອຸທິດສະຕິບັນຍາຈີນ ແລະແຜນການຂອງຈີນໃຫ້ແກ່ທົ່ວໂລກ.
ທ່ານຫວາງອີ້ກ່າວວ່າ, ການຮ່ວມມືໃຕ້ໃຕ້ເພື່ອຮັບມືກັບການປ່ຽນແປງຂອງດິນຟ້າອາກາດ, ໄດ້ກາຍເປັນເວທີຂອງຜູ້ເຂົ້າຮ່ວມ ຜູ້ປະກອບສ່ວນ ແລະຜູ້ນຳໜ້າທີ່ສຳຄັນໃນການພັດທະນາແບບຍືນຍົງ ແລະການສ້າງຄວາມສິວິໄລດ້ານນິເວດຂອງທົ່ວໂລກ, ກໍເປັນພາກສ່ວນສຳຄັນທີ່ຈີນປະຕິບັດຕາມໜ້າທີ່ຮັບຜິດຊອບສາກົນ, ມີຜົນດີຕໍ່ການຊຸກຍູ້ ແລະຊ່ວຍເຫຼືອປະເທດພວມພັດທະນາຍົກສູງຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດ.
ທ່ານກ່າວຕື່ມວ່າ, ໃນຊຸມປີມໍ່ໆມານີ້, ການຮ່ວມມືໃຕ້ໃຕ້ໄດ້ເສີມຂະຫຍາຍບົດບາດອັນສຳຄັນໃນການຮັບມືກັບການປ່ຽນແປງຂອງດິນຟ້າອາກາດໃນທົ່ວໂລກ, ທັງເສີມຂະຫຍາຍບົດບາດອັນສຳຄັນໃນການຊ່ວຍເຫຼືອປະເທດພວມພັດທະນາໃຫ້ຕ່າງຝ່າຍຕ່າງໄດ້ຮັບຜົນປະໂຫຍດ, ປະສານສົມທົບກັນ, ແລະແລກປ່ຽນຂໍ້ມູນຂາວສານເຊິ່ງກັນແລະກັນ.
 |
