ວັນທີ 19 ມີນານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງໂທລະເລກຊົມເຊີຍເຖິງທ່ານວລາດີເມຍ ປູຕິນ ທີ່ໄດ້ຮັບເລືອກຕັ້ງເປັນປະທານາທິບໍດີຣັດເຊຍອີກວາລະໜຶ່ງ.
ເນື້ອໃນໂທລະເລກລະບຸວ່າ: ຊຸມປີມໍ່ໆມານີ້, ປະຊາຊົນຣັດເຊຍສາມັກຄີເປັນຈິດໜຶ່ງໃຈດຽວພ້ອມກັນກ້າວເດີນຕາມເສັ້ນທາງພັດທະນາປະເທດໃຫ້ເຂັ້ມແຂງແລະຟື້ນຟູຄວາມຈະເລີນຮຸ່ງເຮືອງຢ່າງເດັດດ່ຽວ, ການພັດທະນາເສດຖະກິດສັງຄົມຂອງຣັດເຊຍໄດ້ຮັບຜົນສຳເລັດຢ່າງໂດດເດັ່ນ ແລະເສີມຂະຫຍາຍບົດບາດສຳຄັນທີ່ມີລັກສະນະສ້າງສັນໃນວຽກງານສາກົນ. ເຊື່ອໝັ້ນວ່າ ຣັດເຊຍຈະສາມາດສ້າງຄວາມສີວິໄລຮຸ່ງເຮືອງຄັ້ງໃໝ່ໃນການພັດທະນາປະເທດໄດ້ຢ່າງແນ່ນອນ. ປັດຈຸບັນ, ສາຍພົວພັນຄູ່ຮ່ວມປະສານງານຍຸດທະສາດຮອບດ້ານຈີນ-ຣັດເຊຍກຳລັງຢູ່ໃນລະດັບທີ່ດີທີ່ສຸດໃນປະຫວັດສາດ ເຊິ່ງໄດ້ສ້າງແບບຢ່າງທີ່ດີໃຫ້ແກ່ການສ້າງສາຍພົວພັນສາກົນແບບໃໝ່ທີ່ເຄົາລົບນັບຖືເຊິ່ງກັນແລະກັນ,ຍຸດຕິທຳ,ຮ່ວມມືແບບຕ່າງຝ່າຍຕ່າງມີຜົນປະໂຫຍດແລະສ້າງປະຊາຄົມຮ່ວມຊາຕາກຳມວນມະນຸດ. ຈີນຍິນດີຮ່ວມກັບຣັດເຊຍພະຍາຍາມຊຸກຍູ້ສາຍພົວພັນຈີນ-ຣັດເຊຍໃຫ້ຂະຫຍາຍຕົວຂຶ້ນສູ່ລະດັບໃໝ່ບົນພື້ນຖານລະດັບສູງ, ປະກອບສ່ວນເຂົ້າໃນການພັດທະນາຂອງປະເທດໃຜລາວ ພ້ອມທັງສົ່ງເສີມສັນຕິພາບແລະຄວາມໝັ້ນຄົງສະຫງົບຂອງພາກພື້ນກໍຄືຂອງໂລກ.