ກຸ່ມບໍລິສດວິທະຍາສາດເຕັກນິກການບິນອະວະກາດຈຳກັດຈີນເປີດເຜີຍໃນຕອນຄ່ຳວັນທີ 19 ມີນານີ້ວ່າ, ຈີນຈະຍິງສົ່ງຈະຫຼວດສົ່ງຍານສາງເຈິ່ງ 5 B ຄັ້ງທຳອິດປະມານເດືອນມິຖຸນາປີ 2019. ຈະຫຼວດສົ່ງຍານແມ່ນກຸ່ມບໍລິສັດດັ່ງກ່າວເປັນຜູ້ວາງແຜນລວມໃນການຄົ້ນຄວ້າຜະລິດບົນພື້ນຖານເຕັກນິກຂອງຈະຫຼວດສົ່ງຍານສາງເຈິ່ງ 5, ຈະໃຊ້ໃນການປະຕິບັດໜ້າທີ່ສົ່ງຍານອະວະກາດບັນທຸກຄົນເປັນພິເສດ, ແລະໄດ້ກ້າວເຂົ້າສູ່ໄລຍະຄົ້ນຄວ້າອອກແບບຜະລິດແລະທົດລອງໃນຫວ່າງມໍ່ໆມານີ້.
ຂັ້ນຕອນທີສາມຂອງໂຄງການການບິນອະວະກາດທີ່ບັນທຸກຄົນຂອງຈີນແມ່ນໂຄງການສ້າງສະຖານີອະວະກາດ, ປີນີ້ແມ່ນປີສຳຄັນຢ່າງຍິ່ງໃນການປະຕິບັດໜ້າທີ່ໃນຂັ້ນຕອນທີສາມ, ຈະຫຼວດສົ່ງຍານສາງເຈິ່ງ 5 B ທີ່ຄົ້ນຄວ້າຜະລິດເພື່ອສ້າງສະຖານີອະວະກາດໄດ້ກ້າວເຂົ້າສູ່ໄລຍະຄົ້ນຄວ້າອອກແບບຜະລິດແລະທົດລອງໃນຫວ່າງມໍ່ໆມານີ້, ຫ້ອງໃຈກາງຂອງສະຖານີອະວະກາດຈະປະກອບເຂົ້າກັນໃນໄວໆນີ້, ການທົດລອງປະສົມຢູ່ພາກພື້ນດິນທີ່ກ່ຽວຂ້ອງກໍຈະເລີ່ມດຳເນີນໄປເທື່ອລະກ້າວ.
 |
