ເປີດເຜີຍເຄື່ອງໝາຍວັນຍີ່ຫໍ້ຈີນຢ່າງເປັນທາງການ

ເພື່ອສ້າງພາບລັກວັນຍີ່ຫໍ້ຈີນ,ເລັ່ງລັດຊຸກຍູ້ການສ້າງຍີ່ຫໍ້,ເຄື່ອງໝາຍວັນຍີ່ຫໍ້ຈີນໄດ້ເປີດເຜີຍຢ່າງເປັນທາງການຢູ່ນະຄອນຫຼວງປັກກິ່ງໃນວັນທີ 21 ມີນານີ້. ຜູ້ຮັບຜິດຊອບຄະນະກຳມະການການພັດທະນາແລະປະຕິຮູບແຫ່ງລັດຈີນໃຫ້ຮູ້ວ່າ: ງານວາງສະແດງສິນຄ້າທີ່ເປັນຍີ່ຫໍ້ລືຊື່ແລະຜະລິດໂດຍຈີນຄັ້ງທຳອິດແລະກອງປະຊຸມເວທີປຶກສາຫາລືສາກົນການພັດທະນາຍີ່ຫໍ້ຈີນພາຍໃຕ້ຫົວຂໍ້ "ຍີ່ຫໍ້ຈີນແລະການຊົມໃຊ້ຮ່ວມກັນກັບໂລກ" ຈະຈັດຂຶ້ນຢູ່ນະຄອນຊຽງໄຮໃນວັນທີ 1 ພຶດສະພາປີນີ້.

ຄະນະກຳມະການການພັດທະນາແລະປະຕິຮູບແຫ່ງລັດຈີນແຈ້ງໃຫ້ຮູ້ວ່າ: ງານວາງສະແດງສິນຄ້າທີ່ເປັນຍີ່ຫໍ້ລືຊື່ທີ່ຜະລິດໂດຍຈີນຈະດຳເນີນເປັນເວລາ 3 ວັນ ໂດຍຈະສະແດງໃຫ້ເຫັນກຳລັງຕົວຈິງດ້ານການພັດທະນາຍີ່ຫໍ້ທີ່ຜະລິດດ້ວຍຕົນເອງໂດຍລວມ,ສ້າງທັດສະນະຄະຕິດ້ານການພັດທະນາເສດຖະກິດຍີ່ຫໍ້ ແລະເພີ່ມຄວາມໝັ້ນໃຈດ້ານການພັດທະນາຍີ່ຫໍ້ທີ່ຜະລິດດ້ວຍຕົນເອງ.