ຫວ່າງມໍ່ໆມານີ້, ທະນາຄານປະຊາຊົນຈີນໄດ້ປະກາດແຈ້ງການ ໂດຍຈະຍົກເລີກຂໍ້ຈຳກັດແລະອະນຸມັດໃຫ້ອົງການຕ່າງປະເທດທີ່ລົງທຶນດ້ານການຊຳລະເງິນສາມາດເຂົ້າຕະຫຼາດປະເທດຕົນ ໂດຍຜ່ານການປະຕິບັດຕໍ່ທຶນພາຍໃນແລະຕ່າງປະເທດຢ່າງສະເໝີພາບ ໃຫ້ມາດຕະຖານຢ່າງເປັນເອກະພາບໃນການອະນຸມັດໃຫ້ເຂົ້າຕະຫຼາດແລະການຕິດຕາມຄຸ້ມຄອງ. ໃນຂັ້ນຕອນຕໍ່ໄປ, ທະນາຄານປະຊາຊົນຈີນຈະອະນຸມັດການຮ້ອງຂໍການບໍລິການຊຳລະເງິນຂອງອົງການຕ່າງປະເທດທີ່ລົງທຶນດ້ານການຊຳລະເງິນຕາມຂັ້ນຕອນຂອງລະບຽບການ.
ນັບແຕ່ການສ້າງລະບຽບການອະນຸມັດການບໍລິການການຊຳລະເງິນໃນປີ 2010 ເປັນຕົ້ນມາ, ຕະຫຼາດການບໍລິການການຊຳລະເງິນຂອງຈີນໄດ້ພັດທະນາຢ່າງວ່ອງໄວ. ແຕ່ປີ 2013 ຫາປີ 2017, ປະລິມານໜ້າວຽກດ້ານການຊຳລະເງິນຂອງອົງການບໍລິການການຊຳລະເງິນໄດ້ຈາກ 37.100.000.000 ລາຍການເພີ່ມຂຶ້ນເປັນ 319.300.000.000 ລາຍການ, ມູນຄ່າການຊຳລະໄດ້ຈາກ 18.000 ຕື້ຢວນເພີ່ມຂຶ້ນເປັນ 169.000 ຕື້ຢວນ. ອົງການບໍລິການການຊຳລະຂະໜາດໃຫຍ່ບາງແຫ່ງຍັງພັດທະນາທຸລະກິດໄປສູ່ຕ່າງປະເທດໂດຍສະໜອງການບໍລິການຕໍ່ລູກຄ້າທົ່ວໂລກ. ຂະນະດຽວກັນ, ກໍ່ມີອົງການຕ່າງປະເທດນັບມື້ນັບຫຼາຍກ່າວວ່າຫວັງວ່າຈະສາມາດເຂົ້າສູ່ຕະຫຼາດການບໍລິການການຊຳລະເງິນຂອງຈີນ.