ກອງປະຊຸມເວທີປຶກສາຫາລືລະດັບສູງກ່ຽວກັບການພັດທະນາຂອງຈີນທີ່ຈັດໂດຍສູນຄົ້ນຄວ້າການພັດທະນາຂອງລັດຖະບານຈີນ ແລະກອງທຶນຄົ້ນຄວ້າການພັດທະນາຈີນໄດ້ເລີ່ມຂຶ້ນຢູ່ນະຄອນຫຼວງປັກກິ່ງແຕ່ວັນທີ 24-26 ມີນານີ້ ເຊິ່ງຫົວຂໍ້ຫຼັກຂອງປີນີ້ແມ່ນ: ຈີນໃນຍຸກໃໝ່.
ໃນພິທີໄຂກອງປະຊຸມທີ່ຈັດຂຶ້ນໃນວັນທີ 25ນີ້ ທ່ານຫຼີເວີຍ ຫົວໜ້າສູນຄົ້ນຄວ້າການພັດທະນາຂອງລັດຖະບານຈີນ ປະທານເວທີປຶກສາຫາລືໄດ້ປະກອບຄຳເຫັນ ໂດຍກ່າວວ່າ, ປີ 2018 ຈີນໄດ້ເລີ່ມຂະບວນວິວັດອັນໃໝ່ແຫ່ງການສ້າງສາທັນສະໄໝຮອບດ້ານ. ການຊຸກຍູ້ການພັດທະນາຢ່າງມີຄຸນນະພາບສູງແມ່ນຄວາມຮຽກຮ້ອງຕ້ອງການພື້ນຖານໃນການກຳນົດແນວຄິດການພັດທະນາ, ສ້າງນະໂຍບາຍເສດຖະກິດແລະດຳເນີນການຄຸ້ມຄອງດ້ານມະຫາພາກໃນປັດຈຸບັນກໍ່ຄືໄລຍະໜຶ່ງໃນຂ້າງໜ້ານີ້.
ໃນພິທີໄຂກອງປະຊຸມ, ທ່ານດີມູ ຄູເກີ ປະທານບໍລິສັດເອໂພ ປທານຝ່າຍຕ່າງປະເທດຂອງເວທີປຶກສາຫາລືຄັ້ງນີ້ໄດ້ປະກອບຄຳເຫັນ ໂດຍກ່າວວ່າ, ຖ້າບໍ່ມີການຮ່ວມມືຂອງຈີນ, ຈະບໍ່ສາມາດບັນລຸຜົນງານໃນສູ່ມື້ນີ້ໄດ້. ສະນັ້ນ ໃນຕໍ່ໄປຂ້າງໜ້ານີ້, ຄຽງຄູ່ກັບຈີນອອຳກແຮງພັດທະນາຂະແໜງການການຜະລິດທີ່ກ້າວໜ້າ, ທົ່ວໂລກກໍ່ຫັນຫາຍຕາໃສ່ກຳລັງຕົວຈິງການຄົ້ນຄວ້າຂອງຈີນ. ຈີນຈະບໍ່ເປັນປະເທດທີ່ດຳເນີນການຜະລິດຢ່າງງ່າຍດາຍອີກແລ້ວ ເຊິ່ງກໍ່ຈະນຳເອົາຄວາມຝັນມາໃຫ້ທຸກຄົນ. ການຄ້າ ຖືເປັນພະລັງແຮງຊຸກຍູ້ໃຫ້ເສດຖະກິດໂລກເຕີບໂຕ, ຢູ່ຕໍ່ໜ້າສິ່ງທ້າທາຍ, ຕ້ອງການພວກເຮົາຮ່ວມມືກັນ, ດຳເນີນການປະດິດສ້າງ, ເພື່ອນຳເອົາໂອກາດມາໃຫ້ຄົນທັງຫຼາຍ.
ຫົວໜ້າຫຼືປະທານຂອງ 500 ວິສາຫະກິດທີ່ເຂັ້ມແຂງໃນໂລກ ກໍ່ຄືວິສາຫະກິດທີ່ນຳໜ້າໃນໂລກບໍ່ໜ້ອຍໄດ້ເຂົ້າຮ່ວມກອງປະຊຸມຄັ້ງນີ້ ເຊິ່ງກວມເຖິງຂະແໜງການພະລັງງານບໍ່ແຮ່, ການທະນາຄານປະກັນໄພ, ການບິນ ແລະການບິນອະວະກາດ, ການໂທລະຄົມສື່ສານ, ການຜະລິດອຸປະກອນ, ການຜະລິດຢຸກຢາແລະການບໍລິການດ້ານສື່ສານເປັນຕົ້ນ.
 |
