ສິນຄ້າຊື້ຂາຍລ່ວງໜ້າປະເພດນ້ຳມັນດິບຂອງຈີນໄດ້ເລີ່ມເປີດຊື້ຂາຍກັນຢ່າງເປັນທາງການຢູ່ສູນຊື້ຂາຍພະລັງງານສາກົນຊຽງໄຮ ເຊິ່ງເປັນບໍລິສັດຈຳກັດແຕ່ພຽງຜູ້ດຽວຂອງຕະຫຼາດຊື້ຂາຍສິນຄ້າລ່ວງໜ້າຊຽງໄຮ ໃນວັນທີ 26 ມີນານີ້ ເຊິ່ງເປັນສິນຄ້າປະເພດທຳອິດທີ່ຊື້ຂາຍກັນໄດ້ໃນຕະຫຼາດໂລກໃນສິນຄ້າຊື້ຂາຍລ່ວງໜ້າປະເພດຕ່າງໆຂອງຈີນ ແລະໄລ່ລາຄາ, ຊື້ຂາຍ, ສຳເລັດທຳນຽມການຊື້ຂາຍ ແລະ ຊຳລະ ໂດຍເງິນຢວນສະກຸນເງິນຈີນ ແລະການຄວບຄຸມຄວາມສ່ຽງ, ການຕິດຕາມຄຸ້ມຄອງຕະຫຼາດ ກໍເປັນແບບສາກົນໝົດ.
ຕະຫຼາດຊື້ຂາຍສິນຄ້າລ່ວງໜ້າຊຽງໄຮ ຢືນຢັນວ່າ: ຫຼັງເປີດຕະຫຼາດຊື້ຂາຍນ້ຳມັນດິບລ່ວງໜ້າຢູ່ຈີນແລ້ວ ຈະມີຜົນດີຕໍ່ການກໍ່ຕົວເປັນລະບົບລາຄາທີ່ສາມາດສ່ອງແສງໃຫ້ເຫັນການພົວພັນລະຫວ່າງການສະໜອງ-ຄວາມຕ້ອງການໃນຕະຫຼາດນ້ຳມັນເຊື້ອໄຟເຂດອາຊີປາຊີຟິກ ແລະ ເສີມຂະຫຍາຍບົດບາດພື້ນຖານຂອງລາຄາໃນການຈັດສັນຊັບພະຍາກອນ; ສາມາດສະໜອງພາຫະນະການປ້ອງກັນຄວາມສ່ຽງໃຫ້ແກ່ອົງກອນທຸລະກິດ ແລະ ຫຼີກລ່ຽງຄວາມສ່ຽງຈາກການເໜັງຕິງຂຶ້ນລົງຂອງລາຄານ້ຳມັນເຊື້ອໄຟໃນຕະຫຼາດ.
