ເວທີນະໂຍບາຍວິທະຍາສາດລະຫວ່າງລັດຖະບານກ່ຽວກັບຊີວະນາໆພັນແລະການບໍລິການລະບົບສິເວດເຊິ່ງເປັນອົງການອະນຸລັກຊີວະນາໆພັນທີ່ຂຶ້ນກັບອົງການສະຫະປະຊາຊາດອອກບົດລາຍງານໃນຫວ່າງມໍ່ໆມານີ້ວ່າ, ຊີວະນາໆພັນຢູ່ເຂດຕ່າງໆໃນໂລກຊຸດໂຊມລົງຢ່າງຕໍ່ເນື່ອງ, ໄດ້ຂົ່ມຂູ່ເຖິງຊີວິດເສດຖະກິດແລະຄວາມປອດໄພດ້ານອາຫານຂອງມະນຸດຢ່າງເດັ່ນຊັດ.
ບົດລາຍງານສະແດງໃຫ້ເຫັນວ່າ, ຄວາມກົດດັນດ້ານສິ່ງແວດລ້ອມທຳມະຊາດ, ການຂຸດຄົ້ນຊັບພະຍາກອນຫຼາຍເກີນໄປ, ການນຳໃຊ້ຊັບພະຍາກອນທຳມະຊາດແບບທຳລາຍ, ມົນລະຜິດທາງອາກາດ, ດິນແລະນ້ຳ, ການຮຸກຮານຂອງແນວພັນພືດແລະສັດຈາກພາຍນອກ, ການປ່ຽນແປງຂອງດິນຟ້າອາກາດແລະອື່ນໆເຮັດໃຫ້ຄວາມສາມາດຫາບແບກຂອງທຳມະຊາດຊຸດໂຊມລົງຢ່າງບໍ່ຢຸດຢັ້ງ.