ປີນີ້ແມ່ນປີທີ່ອົງການປ່າໄມ້ອາຊີປາຊີຟິກສ້າງຕັ້ງຂຶ້ນຄົບຮອບ 10 ປີ. ໃນກິດຈະກຳລະນຶກທີ່ກ່ຽວຂ້ອງຈັດຂຶ້ນຢູ່ປັກກິ່ງໃນວັນທີ 26 ມີນານີ້, ເຈົ້າໜ້າທີ່ອົງການບໍລິການປ່າໄມ້ແລະທົ່ງຫຍ້າແຫ່ງລັດຈີນກ່າວວ່າ, ຈີນຈະສະໜັບສະໜູນການພັດທະນາຂອງອົງການປ່າໄມ້ອາຊີປາຊີຟິກຄືທີ່ເຄີຍໄດ້ປະຕິບັດຜ່ານມາ, ຮ່ວມກັບກຸ່ມເສດຖະກິດຕ່າງໆຂອງເຂດອາຊີປາຊີຟິກ, ຊຸກຍູ້ການຮ່ວມມືດ້ານຂະແໜງການປ່າໄມ້ແລະຊຸກຍູ້ຟື້ນຟູປ່າໄມ້ຂອງພາກພື້ນ.
ທ່ານເຜີງໂຢຕຸ່ງ ຫົວໜ້າອົງການບໍລິກຫານປ່າໄມ້ແລະທົ່ງຫຍ້າແຫ່ງລັດຈີນກ່າວວ່າ, ຈີນມີປ່າໄມ້ຫຼາຍກວ່າ 200 ລ້ານເຮັກຕາ, ອັດຕາການປົກຫຸ້ມຂອງປ່າໄມ້ຈາກ 8,6% ເມື່ອຕົ້ນຊຸມປີ 1950 ເພີ່ມຂຶ້ນເປັນ 22% ໃນປັດຈຸບັນ. ໃນນັ້ນ, ປ່າປູກຂອງຈີນມີເນື້ອທີ່ 69 ລ້ານກວ່າເຮັກຕາ, ເປັນອັນດັບທີໜຶ່ງໃນໂລກ.
ປັດຈຸບັນ, ອົງການປ່າໄມ້ອາຊີປາຊີຟິກມີສະມາຊິກທັງໝົດ 31 ປະເທດແລະເຂດແຄວ້ນ, ຕົ້ນຕໍປະກອບດ້ວຍກຸ່ມເສດຖະກິດທີ່ພວມພັດທະນາຂອງເຂດອາຊີປາຊີຟິກ.
ໃນກິດຈະກຳຄັ້ງນີ້, ຍັງໄດ້ເລີ່ມປະຕິບັດກົນໄກອະນຸລັກສັດປ່າຂ້າມຊາດເຂດລ້ອງແມ່ນ້ຳລ້ານຊ້າງ-ແມ່ນ້ຳຂອງແລະກົນໄກຮ່ວມມືວິທະຍາສາດເຕັກນິກປ່າໄມ້ຈີນ-ອາຊຽນອີກດ້ວຍ.
 |
