ກອງປະຊຸມປະທານສານສູງສຸດຈີນ-ປະເທດທີ່ໃຊ້ພາສາປອກຕຸຍການໄດ້ຈັດຂຶ້ນຢູ່ນະຄອນກວາງໂຈ່ວແຂວງກວາງຕຸ້ງ ສປ ຈີນໃນວັນທີ 26 ມີນານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງຈົດໝາຍຊົມເຊີຍໄປຍັງກອງປະຊຸມດັ່ງກ່າວ.
ໃນຈົດໝາຍຊົມເຊີຍຂຽນວ່າ, ໃນຫຼາຍປີມານີ້, ການພົວພັນລະຫວ່າງຈີນກັບບັນດາປະເທດທີ່ໃຊ້ພາສາປອກຕຸຍການໄດ້ຂະຫຍາຍຕົວຢ່າງໃຫຍ່ຫຼວງ ແລະ ການແລກປ່ຽນ ແລະ ຮ່ວມມືໃນຂົງເຂດຕຸລາການແມ່ນສ່ວນປະກອບສຳຄັນ. ກອງປະຊຸມຄັ້ງນີ້ມີຄວາມໝາຍສຳຄັນ ເພື່ອຊຸກຍູ້ການແລກປ່ຽນ ແລະ ຮ່ວມມືດ້ານຕຸລາການລະຫວ່າງສອງຝ່າຍ, ຈະສ້າງສະພາບແວດລ້ອມປົກຄອງຕາມກົດໝາຍທີ່ດີງາມໃຫ້ຈີນ ແລະ ບັນດາປະເທດທີ່ໃຊ້ພາສາປອກຕຸຍການພັດທະນາຮ່ວມກັນ ແລະ ເປັນການປະກອບສ່ວນຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.
ທ່ານສີຈິ້ນຜິງໄດ້ເນັ້ນໃນຈົດໝາຍຊົມເຊີຍວ່າ, ກອງປະຊຸມຄັ້ງນີ້ມີຫົວຂໍ້ວ່າ: "ການທ້າທາຍ ແລະ ລື່ນກາຍ--ວຽກງານຕຸລາການໃນຍຸກອິນເຕີເນັດ" ເຊິ່ງມີຄວາມໝາຍຕົວຈິງທີ່ສຳຄັນ. ຫວັງວ່າບັນດາຜູ້ແທນທີ່ຮ່ວມປະຊຸມຈະລົງເລິກແລກປ່ຽນ ແລະ ຕັ້ງໜ້າປຶກສາຫາລືກັນ, ພະຍາຍາມຊຸກຍູ້ການປົກຄອງອິນເຕີເນັດຕາມກົດໝາຍ ເພື່ອເຮັດໃຫ້ອິນເຕີເນັດເປັນປະໂຫຍດໃຫ້ແກ່ປະຊາຊົນບັນດາປະເທດໄດ້ດີກວ່າເກົ່າ.
 |
