ທ່ານເວິ້ຍເຟິ້ງເຫີ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງປ້ອງກັນປະເທດຈີນ ໄດ້ພົບປະກັບທ່ານໄຊຍັນ ສີສຸວັນ ຜູ້ບັນຊາການທະຫານສູງສຸດຂອງໄທ ໂອກາດເດີນທາງຢ້ຽມຢາມຈີນ ຢູ່ອາຄານແປດໜຶ່ງ ນະຄອນຫຼວງປັກກິ່ງ ໃນວັນທີ 26 ມີນານີ້.
ທ່ານເວິ້ຍເຟິ້ງເຫີ ກ່າວວ່າ: ໃຕ້ການນຳພາທີ່ເຂັ້ມແຂງຂອງສູນກາງພັກກອມມູນິດຈີນທີ່ມີທ່ານສີຈິ້ນຜິງ ເປັນແກນນຳ, ຈີນຈະປະກອບສ່ວນໃຫຍ່ຫຼວງກວ່າເກົ່າເພື່ອສັນຕິພາບ ແລະ ການພັດທະນາຂອງໂລກ. ຈີນ ແລະ ໄທເປັນບ້ານໃກ້ເຮືອນຄຽງທີ່ມີໄມຕີຈິດມິດຕະພາບທີ່ມີມູນເຊື້ອມາແຕ່ດົນນານ ກອງທັບຈີນຍິນດີຮ່ວມກັບກອງທັບໄທ ເພື່ອຮັກສາການແລກປ່ຽນທາງຍຸດທະສາດ, ເພີ່ມທະວີການຮ່ວມມືທີ່ແທ້ຈິງ ແລະ ຊຸກຍູ້ການພົວພັນລະຫວ່າງສອງກອງທັບໃຫ້ພັດທະນາເຂົ້າສູ່ລວງເລິກ.
ທ່ານໄຊຍັນ ສີສຸວັນ ກ່າວວ່າ: ໄທຍິນດີຮ່ວມມືກັບຈີນໃນຂົງເຂດຕ່າງໆ ໂດຍສະເພາະຢ່າງຍິ່ງທີ່ຈະລົງເລິກການຮ່ວມມືດ້ານການຝຶກຊ້ອມຮ່ວມ, ເຕັກນິກເຄື່ອງຍຸດໂທປະກອນ, ການຝຶກອົບຮົມບຸກຄະລາກອນ ແລະ ຄວາມໝັ້ນຄົງໃນຂອບຫຼາຍຝ່າຍ ເພື່ອຍົກລະດັບການຮ່ວມມືດ້ານການທະຫານລະຫວ່າງສອງຝ່າຍໃຫ້ສູງຂຶ້ນຢ່າງບໍ່ຢຸດຢັ້ງ.