ພິທີເປີດດ່ານຕູ່ຫຼົງຈີນ-ກິ່ງມົນຫວຽດນາມໄດ້ຈັດຂຶ້ນໃນວັນທີ 26 ມີນານີ້, ຢູ່ລະຫວ່າງຊາຍແດນຈີນ-ຫວຽດນາມໄດ້ເພີ່ມດ່ານຂົນສົ່ງສິນຄ້າແລະຜູ້ໂດຍສານທາງບົກອີກແຫ່ງໜຶ່ງທີ່ເປີດບໍລິການໝົດປີ.
ດ່ານພາສີຕູ່ຫຼົງຈີນຕັ້ງຢູ່ຫຼັກໝາຍຊາຍແດນເລກ 197 ຢູ່ເສັ້ນຊາຍແດນຈີນຫວຽດນາມ, ຫ່າງຈາກເມືອງໝ້າກ່ວນກິ່ງແຂວງເຜົ່າຈ້ວງແລະເຜົ່າມົ້ງເວີນຊ່ານແຂວງຢຸນນານ 47 ກິໂລແມັດ, ແມ່ນທາງຜ່ານສຳຄັນຂອງແຂວງຢຸນນານໄປຫວຽດນາມ, ກໍແມ່ນໜຶ່ງໃນຍັນດາປະຕູຜ່ານສຳຄັນຂອງຈີນເພື່ອເຂົ້າອາຊີໃຕ້ແລະອາຊີຕາເວັນອອກສຽງໃຕ້.
ຜູ້ຮັບຜິດຊອບທີ່ກ່ຽວຂ້ອງຂອງເມືອງໝ້າກວ່ນກ່າວວ່າ, ໃນຫຼາຍປີຜ່ານມາ, ການຮ່ວມມືດ້ານເສດຖະກິດການຄ້າລະຫວ່າງຈີນ-ຫວຽດນາມໄດ້ເພີ່ມທະວີຂຶ້ນຕື່ມອີກ, ແລະໄດ້ສ້າງເງື່ອນໄຂທີ່ດີໃຫ້ແກ່ການເປີດປະຕູສູ່ພາຍນອກແລະການພັດທະນາເສດຖະກິດຂອງເຂດຊາຍແດນແຂວງຢຸນນານ. ພາຍຫຼັງດ່ານຕູ່ຫຼົງເປີດບໍລິການແລ້ວ, ເມືອງຕົນຈະເພີ່ມຄວາມແຮງດຶງດູດການລົງທຶນ, ເຮັດໃຫ້ປັດໄຈເສດຖະກິດເຊັ່ນຕະຫຼາດ, ການຈໍລະຈອນສິນຄ້າ, ວິສາຫະກິດແລະອື່ນໆໂຮມກັນຢູ່ດ່ານ, ເພີ່ມພະລັງຊີວິດການຄ້າຂອງດ່ານ, ແລະຍົກສູງລະດັບເປີດປະຕູສູ່ພາຍນອກຂອງດ່ານອີກດ້ວຍ.