ຕອນເຊົ້າວັນທີ 28 ມີນານີ້ ຢູ່ສະໜາມບິນສາກົນອິນຊອນ ສ.ເກົາຫຼີ ໄດ້ຈັດພິທີມອບ-ຮັບອັດຖິທະຫານກອງກຳລັງອາສາສະໝັກປະຊາຊົນຈີນລະຫວ່າງ ສ.ເກົາຫຼີ-ຈີນເທື່ອທີ 5 ຂຶ້ນຢ່າງເຄັ່ງຂຶມ ໂດຍທ່ານກ່າວສຽວປິ່ງ ຮອງລັດຖະມົນຕີກະຊວງວຽກງານປະຊາສົງເຄາະຈີນນຳພາຄະນະຜູ້ແທນຈີນເຂົ້າຮ່ວມ ແລະຜູ້ແທນສອງຝ່າຍກໍໄດ້ລົງນາມໃນເອກະສານມອບຮັບ ເພື່ອເປັນການຢືນຢັນຕໍ່ການມອບຮັບອັດຖິທະຫານກອງກຳລັງອາສາສະໝັກປະຊາຊົນຈີນ 20 ຄົນ ພ້ອມດ້ວຍສິ່ງເສດເຫຼືອທີ່ກ່ຽວຂ້ອງ.
ອັດຖິທະຫານດັ່ງກ່າວໄດ້ຖືກສົ່ງຮອດນະຄອນເສີນຢາງໃນຕອນເຊົ້າມື້ດຽວກັນ ແລະຈະນຳໄປສະຖິດໄວ້ຢູ່ສຸສານທະຫານອາສາສະໝັກທີ່ເສຍສະຫຼະຊີບໃນສົງຄາມຊ່ວຍ ສປປ ເກົາຫຼີຕໍ່ຕ້ານການຮຸກຮານຂອງອາເມລິກາ ນະຄອນເສີນຢາງ ໃນວັນທີ 29 ມີນານີ້.
