ກ່ອນໜ້ານີ້ບໍ່ດົນ, ບາງສະຖານີລົດໄຟໃຕ້ດິນໃນນະຄອນຫຼວງປັກກິ່ງ ໄດ້ທົດລອງການສະແກນ QR Code ເພື່ອຂີ່ລົດ ແລະມາຮອດຕອນບ່າຍວັນທີ 26 ມີນານີ້, ສະຖານີຕ່າງໆລ້ວນແຕ່ກຳລັງຕິດຕັ້ງເຄື່ອງສະແກນແລະທົດລອງການນຳໃຊ້ດັ່ງກ່າວ, ຄາດວ່າ, ໃນ 6 ເດືອນຕົ້ນປີນີ້, ທຸກໆຊ່ອງສະແກນບັດຂອງສະຖານີລົດໄຟໃຕ້ດິນປັກກິ່ງ ຈະສາມາດສະແກນ QR Code ເພື່ອຂີ່ລົດໄດ້.
ເຈົ້າໜ້າທີ່ຮັບຜິດຊອບໃຫ້ຮູ້ວ່າ, ຜູ້ທີ່ສະແກນ QR Code ເພື່ອຂີ່ລົດນັ້ນ ຈະສາມາດນຳໃຊ້ນະໂຍບາຍຫຼຸດລາຄາຂອງອົງການປົກຄອງນະຄອນຫຼວງ ຄືຕາມທຳມະດາເດືອນໜຶ່ງ, ໂດຍລວມແລ້ວ, ຖ້າຂີ່ລົດໃນລາຄາເຕັມ 100 ຢວນ ກໍສາມາດຫຼຸດ 20% ໄດ້, ຖ້າເຕັມ 150 ຢວນ, ກໍສາມາດຫຼຸດ 50%. ນອກນີ້, ເວທີໃຊ້ຈ່າຍ 3 ຢ່າງຂອງບໍລິສັດຢີ້ທົ່ງຊິງທີ່ໃຫ້ການບໍລິການຂາຍປີ້ເປັນຕົ້ນຕໍນັ້ນ ກໍມີເງິນລາງວັນໃຫ້ຜູ້ໂດຍສານເຊັ່ນກັນ.