ກຸ່ມບໍລິສັດອຸດສາຫະກຳເຄມີແລະນ້ຳມັນເຊື້ອໄຟຈີນປະກາດເມື່ອບໍ່ດົນມານີ້ວ່າ: ບໍ່ອາຍແກັສທຳມະຊາດໃນຊັ້ນຫີນດານຝູຫຼິງ ເຊິ່ງເປັນບໍ່ອາຍແກັສທຳມະຊາດໃນຊັ້ນຫີນດານຂະໜາດໃຫຍ່ແຫ່ງທຳອິດຂອງຈີນ ໄດ້ສ້າງສຳເລັດຕາມກຳນົດເວລາ ໂດຍສາມາດຜະລິດອາຍແກັສທຳມະຊາດໄດ້ເຖິງ 10 ຕື້ແມັດກ້ອນຕໍ່ປີ ເຊິ່ງເທົ່າກັບບໍ່ນ້ຳມັນຂະໜາດໃຫຍ່ລະດັບ 10 ລ້ານໂຕນ ແລະເປັນຂີດໝາຍສະແດງໃຫ້ເຫັນວ່າ ອາຍແກັສທຳມະຊາດໃນຊັ້ນຫີນດານຂອງຈີນໄດ້ເລັ່ງລັດກ້າວເຂົ້າສູ່ໄລຍະພັດທະນາທຸລະກິດຢ່າງຂະໜາດໃຫຍ່ ເຊິ່ງມີຄວາມໝາຍສຳຄັນຕໍ່ການຊຸກຍູ້ການປັບປຸງໂຄງປະກອບພະລັງງານ, ຜ່ອນຄາຍຄວາມກົດດັນໃຫ້ຕະຫຼາດການສະໜອງແກັສທຳມະຊາດຢູ່ເຂດພາກກາງແລະພາກຕາເວັນອອກຂອງຈີນ, ເລັ່ງລັດການປະຢັດພະລັງງານ-ຫຼຸດການລະບາຍມົນລະພິດ ແລະ ແກ້ໄຂບັນຫາມົນລະພົນທາງອາກາດ.
ຂ່າວລາຍງານຕື່ມວ່າ: ປັດຈຸບັນ, ບໍ່ອາຍແກັສທຳມະຊາດໃນຊັ້ນຫີນດານຝູຫຼິງ ນັບລວມແລ້ວໄດ້ຜະລິດ ແລະ ຈຳໜ່າຍອາຍແກັສ ລ້ວນແຕ່ຫຼາຍກວ່າ 16 ຕື້ແມັດກ້ອນ ໂດຍປີຜ່ານມາ ສາມາດຜະລິດໄດ້ເຖິງ 6 ຕື້ 4 ລ້ານແມັດກ້ອນ, ສາມາດຈຳໜ່າຍອາຍແກັສໄດ້ເຖິງ 16 ລ້ານ 7 ແສນແມັດກ້ອນຕໍ່ວັນ ແລະແຕ່ລະມື້ສາມາດຕອບສະໜອງຕາມຄວາມຕ້ອງການໃນການນຳໃຊ້ອາຍແກັສໃນຊີວິດປະຈຳວັນຂອງປະຊາຊົນໄດ້ 33 ລ້ານ 4 ແສນຄອບຄົວ.