ວັນທີ 28 ມີນານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງໂທລະເລກຊົມເຊີຍໄປຍັງທ່ານວິນມິນ ໃນໂອກາດທີ່ທ່ານໄດ້ຮັບເລືອກຕັ້ງເປັນປະທານາທິບໍດີມຽນມາ.
ໃນໂທລະເລກຂອງທ່ານສີຈິ້ນຜິງຂຽນວ່າ: ຈີນ ແລະ ມຽນມາເປັນປະເທດບ້ານໃກ້ເຮືອນຄຽງທີ່ມີມູນເຊື້ອມິດຕະພາບມາແຕ່ດົນນານ ແລະ ມິດຕະພາບແບບຍາດຕິພີ່ນ້ອງ ຂອງປະຊາຊົນສອງຊາດນັບມື້ນັບແໜ້ນແຟ້ນຂຶ້ນ. ໃນຫຼາຍປີມໍ່ໆມານີ້, ການນຳຂັ້ນສູງສອງປະເທດໄດ້ຮັກສາການໄປມາຫາສູ່ກັນເລື້ອຍໆ, ການຮ່ວມມືທີ່ຕິດແທດຕົວຈິງລະຫວ່າງສອງປະເທດນັບມື້ຂະຫຍາຍກວ້າງອອກ, ການແລກປ່ຽນດ້ານວັດທະນະທຳກໍ່ຄຶກຄື້ນ ແລະ ການປະສານງານໃນຂອບຫຼາຍຝ່າຍນັບມື້ແໜ້ນແຟ້ນ ເຊິ່ງໄດ້ນຳເອົາຜົນປະໂຫຍດຕົວຈິງມາໃຫ້ປະຊາຊົນສອງຊາດ ແລະ ເປັນການປະກອບສ່ວນທີ່ຕັ້ງໜ້າຕໍ່ສັນຕິພາບ ແລະ ຄວາມຈະເລີນຮຸ່ງເຮືອງຂອງພາກພື້ນ. ຂ້າພະເຈົ້າເອົາໃຈໃສ່ຢ່າງສູງຕໍ່ການຂະຫຍາຍການພົວພັນລະຫວ່າງຈີນກັບມຽນມາ ແລະ ຍິນດີຮ່ວມກັນພະຍາຍາມກັບທ່ານ, ປັບປຸງມິດຕະພາບທີ່ມີມູນເຊື້ອ, ລົງເລິກການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ ແລະ ຊຸກຍູ້ໃຫ້ການພົວພັນຄູ່ມືຮ່ວມຍຸດທະສາດຮອບດ້ານຈີນ-ມຽນມາກ້າວຂຶ້ນສູ່ລະດັບສູງກວ່າເກົ່າ ເພື່ອນຳເອົາຄວາມຜາສຸກຫຼາຍກວ່າເກົ່າມາໃຫ້ສອງປະເທດ ແລະ ປະຊາຊົນສອງຊາດ.
 |
