ວັນທີ 29 ມີນານີ້, ເຈົ້າໜ້າທີ່ຫ້ອງການຫຼຸດຜ່ອນຄວາມທຸກຍາກເຂດປົກຄອງຕົນເອງຕິເບດເປີດເຜີຍວ່າ, ປີຜ່ານມາ, ເຂດຕິເບດໄດ້ນຳໃຊ້ງົບປະມານຫຼຸດຜ່ອນຄວາມທຸກຍາກພັດທະນາຂະແໜງການທັງໝົດ 12 ຕື້ 420 ລ້ານຢວນ, ສຳເລັດການລົງທຶນໃນໝົດປີ 10 ຕື້ 620 ລ້ານຢວນ, ນັບລວມແລ້ວໄດ້ລົງມືກໍ່ສ້າງໂຄງການຫຼຸດຜ່ອນຄວາມທຸກຍາກ 1195 ໂຄງການ ແລະ ນຳພາປະຊາຊົນ 6 ໝື່ນ 9 ພັນຄົນຫຼຸດພົ້ນອອກຈາກຄວາມທຸກຍາກ.
ທ່ານຢິນເຟິນສຸຍ ຫົວໜ້າຫ້ອງການຫຼຸດຜ່ອນຄວາມທຸກຍາກເຂດຕິເບດກ່າວວ່າ, ໃນຫຼາຍປີມານີ້, ເຂດຕິເບດໄດ້ອອກແຮງສ້າງວິສາຫະກິດທີ່ມີຄວາມສາມາດນຳພາດ້ານຂະແໜງການ, ໄດ້ເລືອກເອົາ 10 ຂະແໜງການຫຼຸດຜ່ອນຄວາມທຸກຍາກທີ່ດີເດັ່ນເຊັ່ນ: ເຂົ້າຊິງເຄີ, ຜັກ, ການປູກໝາກລະແຊງ, ການປູກຫຍ້າ, ການລ້ຽງແກະ ແລະອື່ນໆ, ເນັ້ນພັດທະນາວິສາຫະກິດຂະໜາດໃຫຍ່ ເພື່ອນຳພາການພັດທະນາຂອງຂະແໜງການ ແລະ ເພີ່ມລາຍໄດ້ຂອງປະຊາຊົນ.
 |
