ວັນທີ 1 ເມສານີ້, ສະຫະພັນທະນາຄານຈໍລະຈອນສິນຄ້າການຄ້າແຫ່ງທຳອິດຂອງຈີນທີ່ລິເລີ່ມໂດຍທະນາຄານເຈີ້ງໂຈ່ວແລະປະກອບດ້ວຍບໍລິສັດອາລີບາບາ, ບໍລິສັດຈິ່ງຕຸ່ງແລະອົງການຈັດຕັ້ງອື່ນໆທັງໝົດ 32 ແຫ່ງໄດ້ສ້າງຕັ້ງຂຶ້ນຢ່າງເປັນທາງການຢູ່ນະຄອນຫຼວງປັກກິ່ງ.
ທ່ານ ວາງທ່ຽນຢວີ ປະທານສະຫະພັນດັ່ງກ່າວຊຸດທຳອິດ, ຜູ້ອຳນວຍການໃຫຍ່ທະນາຄານເຈີ້ງໂຈ່ວ, ເລຂາຄະນະພັກທະນາຄານເຈີ້ງໂຈ່ວໄດ້ໃຫ້ຮູ້ວ່າ: ສະຫະພັນດັ່ງກ່າວຈະສາມາດເຕົ້າໂຮມຊັບພະຍາກອນການທະນາຄານທີ່ກວ້າງຂວາງ,ສວຍໃຊ້ຖານຂໍ້ມູນໃຫຍ່ຫຼື big data, ເຕັກໂນໂລຊີແບບຕ່ອງໂສ້ແລະເຕັກໂນໂລຊີໃໝ່ອື່ນໆ, ສ້າງເວທີແຫ່ງປັນຍາ, ແກ້ໄຂບັນຫາຈຸດສຸມຕ່າງໆເຊັ່ນ: ການໝູນວຽນຂອງທຶນຮອນ, ການແລກປ່ຽນຂໍ້ມູນຂ່າວສານແລະການຈໍລະຈອນສິນຄ້າຂອງວິສາຫະກິດທີ່ເປັນສະມາຊິກສະຫະພັນດັ່ງກ່າວ,ຊຸກຍູ້ໃຫ້ສ້າງເປັນການຄ້າແບບໃໝ່.
 |
