ຂ່າວສານຈີນລາຍງານວ່າ: ກອງປະຊຸມເວທີປຶກສາຫາລືການຮ່ວມມືຢູນນານຈີນ-ມຽນມາຄັ້ງທີ 5 ທີ່ຈັດຂຶ້ນຢູ່ນະຄອນຄຸນມິງ ແຂວງຢູນນານ ສປ ຈີນໄດ້ອັດລົງໃນວັນທີ 3 ເມສານີ້. ກອງປະຊຸມຄັ້ງນີ້ໄດ້ບັນລຸຄວາມເປັນເອກະພາບກັນຫຼາຍຢ່າງເປັນຕົ້ນ: ຕັ້ງໜ້າຊຸກຍູ້ການເຊັນສັນຍາວ່າດ້ວຍການຂົນສົ່ງທາງບົກຈີນ-ມຽນມາ, ຊຸກຍູ້ການຮ່ວມມືທາງນ້ຳສາກົນແມ່ນ້ຳລ້ານຊ້າງ-ແມ່ນ້ຳຂອງແລະອື່ນໆ.
ກອງປະຊຸມຄັ້ງນີ້, ສອງຝ່າຍຢູນນານແລະມຽນມາໄດ້ທົບທວນຄືນການຮ່ວມມືແລະການໄປມາຫາສູ່ກັນລະຫວ່າງສອງຝ່າຍພ້ອມດ້ວຍຜົນສຳເລັດທີ່ຍາດມາໄດ້ນັບແຕ່ກອງປະຊຸມເວທີປຶກສາຫາລືການຮ່ວມມືຢູນນານ-ມຽນມາຄັ້ງທີ 4 ເປັນຕົ້ນມາ ທັງໄດ້ແລກປ່ຽນຄວາມເຫັນກ່ຽວກັບບັນຫາແລະຄວາມຫຍຸ້ງຍາກ ກໍຄືວຽກຈຸດໜັກຂອງການຮ່ວມມືໃນບາດກ້າວຕໍ່ໄປແລະອື່ນໆ. ໂອກາດນີ້, ທ່ານຈ່າງໂກວຮວາ ຮອງເຈົ້າແຂວງແຂວງຢູນນານແລະທ່ານມິນທູ ເລຂາປະຈຳການກະຊວງການຕ່າງປະເທດມຽນມາກໍ່ໄດ້ລົງນາມໃນບົດບັນທຶກກອງປະຊຸມເວທີປຶກສາຫາລືການຮ່ວມມືຢູນນານຈີນ-ມຽນມາຄັ້ງທີ 5.