ວັນທີ 3 ເມສານີ້ຢູ່ນະຄອນຫຼວງປັກກິ່ງ, ທ່ານສີຈິ້ນຜິງ ປະທານປະເທດຈີນໄດ້ພົບປະຫາລືກັບທ່ານເອເມີຊັນ ມູນານກາກູວາ ປະທານາທິບໍດີຊິມບາເວ ທີ່ເດີນທາງຢ້ຽມຢາມຈີນ, ສອງຝ່າຍເປັນເອກະພາບກັນຕົກລົງຍົກສາຍພົວພັນຈີນ-ຊິມບາເວຂຶ້ນເປັນສາຍພົວພັນຄູ່ຮ່ວມມືຍຸດທະສາດຮອບດ້ານ ເພື່ອຊຸກຍູ້ສາຍພົວພັນສອງຝ່າຍໃຫ້ດີຂຶ້ນຕື່ມ.
ມື້ດຽວກັນ, ສອງປະເທດຍັງໄດ້ເຊັນເອກະສານຮ່ວມມືຫຼາຍສະບັບເປັນຕົ້ນ ເສດຖະກິດເຕັກນິກ,ກະສິກຳ,ວິທະຍາສາດເຕັກໂນໂລຊີ,ການພັດທະນາຊັບພະຍາກອນມະນຸດແລະຂົງເຂດອື່ນໆ, ນອກນີ້, ຊິມບາເວຍັງໄດ້ຕົກລົງມອບສິດອອກວິຊາກັບດ່ານໃຫ້ພົນລະເມືອງຈີນ.
ທ່ານມູນານກາກູວາ ປີນີ້ອາຍຸ 75 ປີ ເຄີຍມາຄົ້ນຄວ້າຮ່ຳຮຽນຢູ່ຈີນໃນຊຸມປີ 1960, ຫຼັງຈາກນັ້ນ ເຄີຍໄດ້ຢ້ຽມຢາມຈີນໃນນາມເປັນປະທານສະພາແລະຮອງປະທານາທິບໍດີ.