ຂ່າວສານຈີນລາຍງານວ່າ: ວັນທີ 3 ເມສານີ້, ສະໜາມບິນທຽນສິນ ສປ ຈີນເປີດເຜີຍວ່າ: ເນື່ອງໃນໂອກາດໄລຍະພັກຍາມບຸນຊິງມິງໃກ້ຈະມາເຖິງ, ສະໜາມບິນທຽນສິນໄດ້ຮອງຮັບຜູ້ໂດຍສານເປັນຈຳນວນຫຼວງຫຼາຍ, ໂດຍສະເພາະຜູ້ທີ່ຈະອອກເດີນທາງໄປທ່ຽວຕ່າງປະເທດ, ຜູ້ໂດຍສານຖ້ຽວບິນໄປຫາປະເທດອາຊີຕາເວັນອອກສຽງໃຕ້ໄດ້ມີທ່ວງທ່າເພີ່ມຂຶ້ນຢ່າງວ່ອງໄວ.
ເດືອນກຸມພາຜ່ານມາ, ໄທ,ສິງກະໂປ,ຫວຽດນາມແລະຍີ່ປຸ່ນເປັນ 4 ປະເທດຍອດນິຍົມສຳລັບຜູ້ໂດຍສານອອກເດີນທາງຈາກສະໜາມບິນທຽນສິນ, ຈຳນວນຜູ້ໂດຍສານໄປໄທເພີ່ມຂຶ້ນ 33,3% ເມື່ອທຽບໃສ່ໄລຍະດຽວກັນຂອງປີຜ່ານມາ, ສິງກະໂປ ເພີ່ມຂຶ້ນ23,7%, ຫວຽດນາມ 13,3% ແລະຍີ່ປຸ່ນ 12,2%, ໃນນີ້, ຍອດຜູ້ໂດຍສານໄປປະເທດອາຊີຕາເວັນອອກສຽງໃຕ້ມີຈຳນວນຫຼາຍເປັນອັນດັບທີ 1 ຫາທີ 3.