ວັນທີ 3 ເມສານີ້, ສັນນິບາດອາຣັບໄດ້ອອກຖະແຫຼງການຢູ່ນະຄອນຫຼວງເລີແກປະເທດເອຢິບວ່າ ສະໜັບສະໜູນປາແລັສຕິນທີ່ຮຽກຮ້ອງໃຫ້ສານອາຍາສາກົນທີ່ຕັ້ງຢູ່ລາໄຮຂອງປະເທດໂຮນລັງນັ້ນສືບສວນສອບສວນອາຊະຍາກຳສົງຄາມແລະອາຍະຊາກຳຕ້ານມະນຸດຂອງອິສຣາແອນທີ່ກໍ່ຂຶ້ນຕໍ່ຜູ້ປະທ້ວງຂອງປາແລັສຕິນ.
ຖະແຫຼງການໄດ້ປະນາມໂທດກຳຂອງອິສຣາແອນທີ່ກໍ່ຂຶ້ນຕໍ່ປະຊາຊົນປາແລັສຕິນໃນໄລຍະ "ວັນດິນແດນປາແລັສຕິນ"ເມື່ອວັນທີ 30 ມີນາຜ່ານມາ. ຕາມກົດໝາຍມະນຸດສະທຳສາກົນແລະກົດໝາຍສິດທິມະນຸດສາກົນ, ໂທດກຳເຫຼົ່ານີ້ສາມາດຖືເປັນອາຊະຍາກຳສົງຄາມແລະອາຊະຍາກຳຕ້ານມະນຸດ.
ຖະແຫຼງການຍັງເນັ້ນຕື່ມວ່າ: ຊາວປາແລັສຕິນມີສິດນຳໃຊ້ວິທີທີ່ຖືກຕ້ອງຕາມກົດໝາຍຕ່າງໆເພື່ອປະທ້ວງອິສຣາແອນທີ່ຍຶດຄອງດິນແດນປາແລັສຕິນ.