ວັນທີ 3 ເມສານີ້, ຫ້ອງການຜູ້ແທນການຄ້າອາເມລິກາໄດ້ເປີດເຜີຍບັນຊີລາຍຊື່ສິນຄ້າຈີນທີ່ຈະຖືກເກັບພາສີເພີ່ມຂຶ້ນຕາມຜົນການກວດກາ 301 ເຊິ່ງກ່ຽວພັນເຖິງສິນຄ້ານຳເຂົ້າຈາກຈີນໃນທຸກປີທີ່ມີມູນຄ່າປະມານ 50 ຕື້ໂດລາສະຫະລັດ.
ໃນມື້ດັ່ງກ່າວ, ຫ້ອງການຜູ້ແທນການຄ້າອາເມລິກາໄດ້ອອກຖະແຫຼງການສະບັບໜຶ່ງໂດຍໄດ້ສະເໜີໃຫ້ເພີ່ມເກັບພາສີ 25% ຕໍ່ສິນຄ້າຈາກຈີນ 1.300 ຊະນິດ ຕົ້ນຕໍກ່ຽວພັນເຖິງເຕັກນິກຂໍ້ມູນຂ່າວສານແລະໂທລະຄົມ,ການບິນອະວະກາດແລະການບິນ, ຫຸ່ນຍົນ, ຢາປົວພະຍາດ, ກົນຈັກແລະຜະລິດຕະພັນຂອງຂະແໜງການອື່ນໆ.
ຖະແຫຼງການລະບຸວ່າ: ປະຊາຊົນສາມາດຍື່ນໃບສະແດງຄວາມເຫັນທາງລາຍລັກອັກສອນໄປຫາຫ້ອງການຜູ້ແທນການຄ້າກ່ຽວກັບເນື້ອໃນແລະອັດຕາພາສີອາກອນຂອງບັນຊີລາຍຊື່ກ່ອນວັນທີ 11 ພຶດສະພາໜ້ານີ້.