ອົຕຣິສຈະສົ່ງຄະນະຜູ້ແທນທີ່ມີຂະໜາດໃຫຍ່ທີ່ສຸດໃນປະຫວັດສາດມາຢ້ຽມຢາມຈີນ
2018-04-04 16:14:59 cri
ຂ່າວຈາກເວັບໄຊສະຖານທູດໂອຕຣິສປະຈຳຈີນເປີດເຜີຍວ່າ, ໂດຍຕອບສະໜອງຕາມຄຳເຊີນຂອງທ່ານສີຈິ້ນຜິງ ປະທານປະເທດຈີນ, ທ່ານອາເລັກຊັນເດີ ວັນ ເດີ ເບເລນ ປະທານາທິບໍດີໂອຕຣິສຈະຢ້ຽມຢາມຈີນທາງລັດຖະກິດ ແຕ່ວັນທີ 7 ຫາ 13 ເມສານີ້ ແລະ ຈະເຂົ້າຮ່ວມກອງປະຊຸມເວທີປຶກສາຫາລືອາຊີໂປອາວປີ 2018. ທ່ານເຊບາສຕຽນ ເຄີສ໌ ນາຍົກລັດຖະມົນຕີໂອຕຣິສກໍມາພ້ອມຄະນະ ແລະ ຫວັງວ່າຈະຮ່ວມມືກັບຈີນຢ່າງຮອບດ້ານໃນອະນາຄົດ. ລະດັບແລະຂະໜາດຂອງຄະນະຜູ້ແທນລ້ວນແຕ່ເປັນລະດັບສູງສຸດໃນປະຫວັດສາດ ເຊິ່ງລວມທັງລັດຖະມົນຕີ 4 ທ່ານ ແລະ ບຸກຄົນວົງການວັດທະນະທຳ, ເສດຖະກິດ, ວິທະຍາສາດເຕັກໂນໂລຢີ ລວມທັງໝົດປະມານ 250 ຄົນ.
