ວັນທີ 4 ເມສານີ້, ກະຊວງການເງິນ ແລະ ກະຊວງການຄ້າຈີນອອກແຈ້ງການວ່າ, ໂດຍຜະເຊີນກັບສະພາບທີ່ອາເມລິກາລະເມີດພັນທະສາກົນ ແລະ ພາໃຫ້ເກີດສະພາບສຸກເສີນຕໍ່ຈີນ, ເພື່ອປົກປ້ອງສິດທິ ແລະ ຜົນປະໂຫຍດທີ່ຊອບດ້ວຍກົດໝາຍຂອງຈີນ, ລັດຖະບານຈີນຈະອີງຕາມ "ກົດໝາຍການຄ້າກັບຕ່າງປະເທດຂອງ ສປ ຈີນ" ແລະກົດໝາຍກົດບັນຍັດອື່ນໆຂອງຈີນ ແລະ ຫຼັກການພື້ນຖານຂອງກົດໝາຍສາກົນ, ຈີນຕົກລົງເກັບພາສີເພີ່ມຕໍ່ຜະລິດຕະພັນກະສິກຳ ເຊັ່ນ ຖົ່ວເຫຼືອງ, ລົດ, ຜະລິດຕະພັນເຄມີ, ເຮືອບິນ ແລະ ອື່ນໆ, ອັດຕາພາສີນຳເຂົ້າແມ່ນ 25% ເຊິ່ງຈີນໄດ້ນຳເຂົ້າສິນຄ້າເຫຼົ່ານີ້ຈາກອາເມລິກາໃນປີ 2017 ປະມານ 50 ຕື້ໂດລາ.
ເຈົ້າໜ້າທີ່ກະຊວງການເງິນຈີນເປີດເຜີຍໃນມື້ດຽວກັນວ່າ, ວັນເວລາປະຕິບັດຈະຂຶ້ນກັບສະພາບການປະຕິບັດມາດຕະການເພີ່ມພາສີຕໍ່ສິນຄ້າຈີນຂອງລັດຖະບານອາເມລິກາ ແລະ ຈະມອບໃຫ້ຄະນະກຳມາທິການອັດຕາພາສີຄະນະລັດຖະບານຈີນເປີດເຜີຍຕ່າງຫາກ.