ແຫຼ່ງຂ່າວຈາກອົງການສະຖິຕິແຫ່ງຊາດຈີນ ໃຫ້ຮູ້ໃນວັນທີ 8 ເມສານີ້ວ່າ: ນັບແຕ່ປີນີ້ເປັນຕົ້ນມາ, ດັດຊະນີຜູ້ຈັດການຝ່າຍຊື້ ຫຼື PMI ໃນແໜງອຸດສາຫະກຳການຜະລິດ, ດັດຊະນີທຸລະກິດທີ່ບໍ່ແມ່ນຂະແໜງອຸດສາຫະກຳການຜະລິດ ແລະ ດັດຊະນີການຜະລິດ PMI ສັງລວມຂອງຈີນ ສືບຕໍ່ຮັກສາຢູ່ໃນລະດັບທີ່ເສດຖະກິດເຄື່ອນໄຫວຢ່າງຄຶກຄັກ ແລະສະແດງໃຫ້ເຫັນວ່າ ສະພາບການຜະລິດທຸລະກິດຂອງວິສາຫະກິດຕ່າງໆແມ່ນເປັນໄປດ້ວຍດີ ແລະສືບຕໍ່ຮັກສາຢູ່ໃນທ່ວງທ່າຂະຫຍາຍຕົວຢ່າງໜັກແໜ້ນ ເຊິ່ງເປັນການສ້າງພື້ນຖານເລີ່ມຕົ້ນທີ່ດີໃຫ້ແກ່ການພັດທະນາເສດຖະກິດຢ່າງໝັ້ນທ່ຽງແລະປອດໃສໃນຕະຫຼອດປີ.
ເມື່ອເບິ່ງຈາກດັດຊະນີການຜະລິດ PMI ສັງລວມແລ້ວເຫັນວ່າ ດັດຊະນີດັ່ງກ່າວແຕ່ເດືອນມັງກອນຫາເດືອນມີນາຜ່ານມາ ກໍໄດ້ຢູ່ໃນລະດັບທີ່ດີສົມຄວນ ການເຄື່ອນໄຫວການຜະລິດທຸລະກິດຂອງເສດຖະກິດຕົວຈິງໂດຍລວມແລ້ວມີການຂະຫຍາຍຕົວຢ່າງໝັ້ນທ່ຽງແລະອ່າວໄວ.