ໃນໄລຍະວັນພັກບຸນຊິ່ງມິງ ຫຼື ບຸນໄຫວ້ບັນພະບຸລຸດຈີນ, ການບໍລິໂພກການທ່ອງທ່ຽວຈີນສູງຂຶ້ນ, ຄວາມຕ້ອງການວັດທະນະທຳເພີ່ມຂຶ້ນ ແລະຕະຫຼາດການທ່ອງທ່ຽວທົ່ວປະເທດດຳເນີນຢ່າງໝັ້ນທ່ຽງ. ສະຖິຕິຈາກສະຖາບັນຄົ້ນຄວ້າການທ່ອງທ່ຽວຈີນຊີ້ໃຫ້ເຫັນວ່າ: ໃນໄລຍະວັນພັກບຸນຊິ່ງມິງ ຫຼື ບຸນໄຫວ້ບັນພະບຸລຸດຈີນ, ທົ່ວປະເທດໄດ້ຮັບນັກທ່ອງທ່ຽວພາຍໃນ 101 ລ້ານເທື່ອຄົນ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 8,3%, ສາມາດສ້າງລາຍຮັບໄດ້ 42,1 ຕື້ຢວນ, ເພີ່ມຂຶ້ນ 8,0% ທຽບໃສ່ໄລຍະດຽວກັນປີຜ່ານມາ.
ສວນສຸສານນັກຮົບຜູ້ເສຍສະຫຼະຊີວິດ ແລະສະຖານທີ່ລະນຶກການປະຕິວັດແຫ່ງຕ່າງໆມີນັກທ່ອງທ່ຽວໄປໄວ້ອາໄລນັກຮົບຜູ້ເສຍສະຫຼະຊີວິດເພື່ອການປະຕິວັດຢ່າງຫຼວງຫຼາຍ. ໃນໄລຍະນີ້, ແຂວງຕ່າງໆກໍເພີ່ມທະວີການປະຕິບັດກົດໝາຍ ແລະຕິດຕາມກວດກາຮ່ວມກັນຕໍ່ຕະຫຼາດການທ່ອງທ່ຽວ, ກວດກາທຸລະກິດທີ່ລະເມີດກົດໝາຍຕ່າງໆຢ່າງເຂັ້ມງວດ ເພື່ອຍົກສູງລະດັບການຄຸ້ມຄອງຂະແໜງການທ່ອງທ່ຽວຢ່າງຮອບດ້ານ.