ລັດທິປົກປ້ອງການຄ້າຈະບໍ່ແມ່ນກຳລັງຊຸກດັນໃຫ້ເສດຖະກິດພັດທະນາຢ່າງຖາວອນ
2018-04-09 15:09:17 cri
ວັນທີ 8 ເມສານີ້, ກອງປະຊຸມເວທີປຶກສາຫາລືອາຊີໂປອາວໄດ້ເຜີຍແຜ່ "ບົດລາຍງານຂະບວນການເຊື່ອມໂຍງເຂົ້າກັນຂອງເສດຖະກິດອາຊີ", "ບົດລາຍງານການພັດທະນາຂອງກຸ່ມເສດຖະກິດຈະເລີນໃໝ່" ແລະ "ບົດລາຍງານກຳລັງແຂ່ງຂັນອາຊີ" ໂດຍຊີ້ອອກວ່າ, ຍ້ອນເສດຖະກິດໂລກຟື້ນຕົວ ແລະ ຂະບວນການເຊື່ອມໂຍງເຂົ້າກັນຂອງເສດຖະກິດພາກພື້ນອາຊີໄດ້ເລັ່ງໄວຂຶ້ນ, ເສດຖະກິດອາຊີໄດ້ພັດທະນາໄປຕາມທິດທາງທີ່ດີ. ຂະນະດຽວກັນ, ບົດລາຍງານກໍໄດ້ກ່າວເຕືອນວ່າ, ລັດທິປົກປ້ອງການຄ້າຈະບໍ່ແມ່ນກຳລັງຊຸກດັນໃຫ້ເສດຖະກິດພັດທະນາຢ່າງຖາວອນ ແລະ ຈະຈຳຈັດການພັດທະນາແບບຍືນຍົງຂອງເສດຖະກິດ.
