ຕອນບ່າຍວັນທີ 9 ເມສານີ້, ເວທີປຶກສາຫາລືສຸດຍອດສື່ມວນຊົນອາຊີໄດ້ຈັດການຫາລືທີ່ມີຫົວຂໍ້ວ່າ"40ປີ ຫຼັງປະຕິຮູບ ແລະ ເປີດປະຕູສູ່ພາຍນອກ, ການພັດທະນາ ຂອງຈີນ ແລະ ໂອກາດຂອງໂລກ". ທ່ານບຸນເຈົ້າ ພິຈິດ ຜູ້ອຳນວຍການໃຫຍ່ໂທລະພາບແຫ່ງຊາດລາວໄດ້ກ່າວປາໄສວ່າ: ການປະຕິຮູບແລະໄຂປະຕູສູ່ພາຍນອກຂອງຈີນໄດ້ນຳພາປະເທດຈີນກ້າວໄປສູ່ຄວາມເຂັ້ມແຂງ, ປະຈຸບັນ, ການລົງທຶນຂອງຈີນຢູ່ລາວແມ່ນຢູ່ໃນລະດັບທີ 1 ມີມູນຄ່າຫຼາຍກວ່າ 7 ຕື້ໂດລາສະຫະລັດ ເທົ່າກັບ 25.2% ຂອງການລົງທຶນໂດຍກົງຂອງຕ່າງປະເທດທັງໝົດ ອັນໄດ້ປະກອບ ສ່ວນທີ່ໃຫຍ່ຫຼວງ ແລະ ສໍາຄັນໃຫ້ປະເທດລາວ ໄດ້ຮັບການພັດທະນາທາງດ້ານ ເສດຖະກິດ ແລະ ສັງຄົມຢ່າງໜັກແໜ້ນ.
ທ່ານບຸນເຈົ້າ ພິຈິດຍັງກ່າວຕື່ມວ່າ: ຄຽງຄູ່ກັບຂະແໜງການອື່ນ ຂົງເຂດສື່ມວນຊົນຂອງລາວ ແລະ ຈີນ ກໍໄດ້ມີການຮ່ວມມື ນໍາກັນ, ເປັນຕົ້ນ ໄດ້ຊ່ວຍເຫຼືອອຸປະກອນເຕັກນິກ ສ້າງຊັບພະຍາກອນມະນຸດ ແລກປ່ຽນຂໍ້ມູນ ຂ່າວສານອັນໄດ້ປະກອບສ່ວນສໍາຄັນເຮັດໃຫ້ສື່ມວນຊົນຂອງລາວໄດ້ຮັບການປັບປຸງ ແລະ ພັດທະນາຂຶ້ນເປັນກ້າວ.
ທ່ານກ່າວເນັ້ນຕື່ມວ່າ: ທັງໝົດເຫຼົ່ານີ້,ໄດ້ສະແດງໃຫ້ເຫັນວ່າ, ນັບແຕ່ຈີນດຳເນີນການປະຕິຮູບແລະເປີດປະຕູສູ່ພາຍນອກເປັນເວລາ 40 ປີມານີ້, ການພັດທະນາຂອງຈີນໄດ້ສ້າງໂອກາດທີ່ໃຫຍ່ຫຼວງໃຫ້ແກ່ໂລກ.