ວັນທີ 10 ເມສານີ້, ທ່ານສີຈິ້ນຜິງ ປະທານປະເທດຈີນໄດ້ກ່າວປາໄສໃນພິທີເປີດກອງປະຊຸມປະຈຳປີ 2018 ຂອງເວທີປຶກສາຫາລືອາຊີໂປອາວ ເຊິ່ງໄດ້ລະບຸວ່າ: ຈີນຈະປະຕິບັດມາດຕະການໃໝ່ດ້ານການເປີດກວ້າງການເປີດປະຕູສູ່ພາຍນອກ. ຈາກນັ້ນ, ທ່ານເກີງສວງ ໂຄສົກກະຊວງການຕ່າງປະເທດຈີນກ່າວໃນມື້ດຽວກັນວ່າ: ຈີນໄດ້ປະກອບສ່ວນກຳລັງຊຸກດັນຢ່າງແຂງແຮງເຂົ້່າໃນການເພີ່ມທະວີການຄ້າສາກົນ ແລະການພັດທະນາຂອງເສດຖະກິດໂລກດ້ວຍການກະທຳຕົວຈິງ. ມາດຕະການເປີດກວ້າງການເປີດປະຕູສູ່ພາຍນອກທີ່ໄດ້ປະກາດໂດຍທ່ານສີຈິ້ນຜິງ ປະທານປະເທດຈີນ ໄດ້ແຈ້ງໃຫ້ຊາບວ່າ: ການພັດທະນາຂອງຈີນແມ່ນກາລະໂອກາດຂອງໂລກ, ຈີນກໍຍິນດີຊົມໃຊ້ໂອກາດນີ້ກັບໂລກ.
ທ່ານເກີງສວງກ່າວຕື່ມວ່າ: ການເປີດປະຕູສູ່ພາຍນອກແມ່ນນະໂຍບາຍພື້ນຖານຂອງຈີນ. ການເປີດປະຕູສູ່ພາຍນອກສາມາດຊຸກຍູ້ການປະຕິຮູບ ແລະການພັດທະນາ. ຈີນເນັ້ນຕື່ມອີກວ່າ: ຈີນຈະບໍ່ປິດປະຕູ, ແຕ່ຈະເປີດປະຕູກວ້າງຂວາງກວ່າເກົ່າ. ມາດຕະການສຳຄັນທີ່ໄດ້ປະກາດໂດຍທ່ານສີຈິ້ນຜິງ ປະທານປະເທດຈີນໄດ້ຮັບການຕີລາຄາສູງຈາກພາຍໃນ ແລະຕ່າງປະເທດ.
 |
