ວັນທີ 10 ເມສານີ້, ທ່ານ ສີຈິ້ນຜິງ ປະທານປະເທດຈີນໄດ້ກ່າວໃນເວລາພົບປະກັບທ່ານ ໂຣດຣີໂກ ດູເຕີເຕ ປະທານາທິບໍດີຟີລິບປິນວ່າ: ຄວນສືບຕໍ່ແກ້ໄຂບັນຫາທະເລຈີນໃຕ້ໃຫ້ດີຢ່າງເໝາະສົມ,ຄົ້ນຄວ້າຫາລືກ່ຽວກັບການສຳຫຼວດຮ່ວມແລະຮ່ວມກັນພັດທະນາໃນເວລາທີ່ເໝາະສົມ,ເຮັດໃຫ້ທະເລຈີນໃຕ້ກາຍເປັນທະເລແຫ່ງການຮ່ວມມືແລະທະເລແຫ່ງມິດຕະພາບ.
ທ່ານ ເກິງສວງ ໂຄສົກກະຊວງການຕ່າງປະເທດຈີນກ່າວໃນການຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນວັນທີ 11 ເມສານີ້ວ່າ: ຜູ້ນຳຈີນແລະຟີລິບປິນໄດ້ພົບປະກັນຢ່າງສຳເລັດຜົນອີກຄັ້ງໜຶ່ງໃນວັນທີ 10 ເມສານີ້,ໄດ້ທຳການຊີ້ນຳທາງຍຸດທະສາດໃຫ້ແກ່ສອງປະເທດໃນການສືບຕໍ່ແກ້ໄຂບັນຫາທີ່ກ່ຽວຂ້ອງຂອງທະເລຈີນໃຕ້ຢ່າງເໝາະສົມແລະຊຸກຍູ້ການຮ່ວມມືທາງທະເລ. ຈີນຍິນດີຮ່ວມກັບຟີລິບປິນທຳຄວາມພະຍາຍາມ,ຈັດຕັ້ງປະຕິບັດຈິດໃຈຄວາມຮັບຮູ້ທີ່ສຳຄັນຢ່າງເປັນເອກະພາບລະຫວ່າງຜູ້ນຳຂອງສອງປະເທດໃຫ້ດີ,ຮ່ວມກັນຊຸກຍູ້ແລະລົງເລິກການຮ່ວມມືທີ່ແທ້ຈິງຢູ່ທະເລຈີນໃຕ້,ພະຍາຍາມສຸດຂີດເພື່ອສາມາດບັນລຸການສຳຫຼວດຮ່ວມແລະການພັດທະນາຮ່ວມກັນໂດຍໄວ ເພື່ອສ້າງຄວາມຜາສຸກໃຫ້ແກ່ປະຊາຊົນກໍ່ຄືສອງປະເທດ.
 |
