ວັນທີ 10 ເມສານີ້, ທ່ານ ສີຈິ້ນຜິງ ປະທານປະເທດຈີນ ໄດ້ກ່າວປາຖະກະຖາຢູ່ກອງປະຊຸມປະຈຳປີ 2018 ຂອງເວທີປຶກສາຫາລືອາຊີໂປອາວ, ໂດຍໄດ້ສະເໜີມາດຕະການສຳຄັນ 4 ຂໍ້ໃນການເປີດປະຕູສູ່ພາຍນອກຕື່ມອີກ ເຊິ່ງໄດ້ຮັບຄວາມຊົມເຊີຍແລະສະໜັບສະໜູນຢ່າງກວ້າງຂວາງຈາກປະຊາຄົມໂລກ.
ແຕ່ສິ່ງທີ່ໜ້າຄຶດນັ້ນແມ່ນ, ຈາກນັ້ນບໍ່ດົນ, ທ່ານ ໂດນັນ ທຣຳ ປະທານາທິບໍດີອາເມລິກາໄດ້ໂພສຂໍ້ຄວາມລົງ twitter ໂດຍກ່າວວ່າ "ຂອບໃຈຫຼາຍໆຕໍ່ຄຳປາໄສມິດຕະພາບຂອງທ່ານປະທານສີຈິ້ນຜິງ ກ່ຽວກັບບັນຫາພາສີດ່ານແລະການນຳເຂົ້າລົດ, ຂອບໃຈທ່ານທີ່ໄດ້ໃຫ້ສັນຍານນະໂຍບາຍໃນດ້ານຊັບສິນທາງປັນຍາແລະການແລກປ່ຽກເຕັກນິກ. ພວກເຮົາຈະໄດ້ຮັບຄວາມກ້າວໜ້າຫຼາຍຍິ່ງຂຶ້ນພ້ອມກັນ."
ຂໍ້ຄວາມ twitter ທີ່ເບິ່ງແລ້ວຄືເປັນການສະແດງເຖິງໄມຕີຈິດມິດຕະພາບຂໍ້ນີ້ ທີ່ຈິງແລ້ວຜິດປົກກະຕິຫຼາຍ.
ກ່ອນອື່ນ, ທ່ານ ທຣຳ ຈຳເປັນຕ້ອງສະແດງທ່າທີດັ່ງກ່າວເນື່ອງຈາກໄດ້ຮັບຄວາມກົດດັນຈາກທົ່ວໂລກ; ອັນທີສອງ, ການຂອບໃຈຈີນ ທີ່ຈິງແລ້ວແມ່ນເພື່ອຊັກນຳຫາງສຽງໂລກໄປໃນທິດທາງທີ່ຜິດພາດ ແລະ ອັນສຸດທ້າຍ, ເພື່ອປອບໃຈຕະຫຼາດອາເມລິກາ ແລະຮັບໃຊ້ການເມືອງພາຍໃນປະເທດ.
ຕໍ່ເລື່ອງນີ້, ຈີນມີຄວາມໝັ້ນທ່ຽງຢ່າງພຽງພໍໃນການຮັກສາສະຕິແລະຄວາມສຸຂຸມຮອບຄອບ, ຟັງຄວາມເວົ້າຂອງທ່ານແລ້ວ ຍັງຕ້ອງເບິ່ງການກະທຳຂອງທ່ານອີກ, ແລະຈີນບໍ່ພຽງແຕ່ຈະສືບຕໍ່ຊຸກຍູ້ການປະຕິຮູບແລະເປີດປະຕູສູ່ພາຍນອກເທົ່ານັ້ນ, ຍັງຈະຍາດເອົາໄຊຊະນະໃນສົງຄາມປ້ອງກັນຕົນເອງແລະໂຈມຕີຄືນດ້ານການຄ້າຄັ້ງນີ້ຢ່າງເດັດຂາດ.