ຕາມຂ່າວCRI: ວັນທີ 12 ເມສານີ້, ອົງການການຄ້າໂລກຫຼື WTO ໄດ້ເຜີຍແຜ່ບົດລາຍງານ " ຂໍ້ມູນແລະການຈ້ອງມອງດ້ານການຄ້າໂລກ ", ເຊິ່ງໄດ້ປັບການຄາດຄະເນຕໍ່ການເຕີບໂຕດ້ານການຄ້າໂລກຈາກ 3,2% ຂຶ້ນເປັນ 4,4%. ບົດລາຍງານຄາດຄະເນວ່າ, ຈີນຈາກການຊຸກຍູ້ດ້ວຍການລົງທຶນປ່ຽນເປັນການບໍລິໂພກຊັກນຳເພື່ອເຮັດໃຫ້ເສດຖະກິດມີຄວາມດຸ່ນດ່ຽງ, ໃນໄລຍະຍາວຕໍ່ໜ້ານີ້ມີຜົນດີຕໍ່ການບັນລຸການເຕີບໂຕດ້ານເສດຖະກິດແບບຍືນຍົງຢ່າງແຂງແຮງກວ່າເກົ່າ, ແລະຈະສະໜັບສະໜູນການເຕີບໂຕດ້ານການຄ້າ.
ຂໍ້ມູນຂອງອົງການການຄ້າໂລກສະແດງໃຫ້ເຫັນວ່າ, ນັບແຕ່ປີ 2013 ຫາປີ 2017 , ອັດຕາປະກອບສ່ວນຂອງການລົງທຶນໃນຍອດມູນຄ່າຜະລິດຕະພັນພາຍໃນຫຼື GDP ຂອງຈີນຈາກ 55% ຫຼຸດລົງເປັນ 32%, ແຕ່ອັດຕາປະກອບສ່ວນຂອງການບໍລິໂພກໃນ GDP ຂອງຈີນໄດ້ຍົກສູງຂຶ້ນຫຼາຍ.
ທ່ານລຽງ ກົວ ຢອງ, ເຈົ້າໜ້າທີ່ວຽກງານເສດຖະກິດຂອງກອງປະຊຸມການຄ້າແລະການພັດທະນາຂອງອົງການສະຫະປະຊາຊາດກ່າວວ່າ,ຍ້ອນການບໍລິໂພກມີບົດບາດສຳຄັນກວ່າເກົ່າເຂົ້າໃນການເຕີບໂຕດ້ານເສດຖະກິດຖ້າທຽບກັນກັບການລົງທຶນ, ກໍໝາຍຄວາມວ່າການເຕີບໂຕດ້ານເສດຖະກິດຈະມີຄວາມຍືນຍົງແລະຄວາມເຂົ້າໃຈກັນຢ່າງແຂງແຮງກວ່າເກົ່ວ, ກໍໝາຍຄວາມວ່າຄວາມຕ້ອງການດ້ານການນຳເຂົ້າຈະໄດ້ຮັບການເປີດກວ້າງຢ່າງຕໍ່ເນື່ອງ. ໃນຖານະເປັນອົງກອນເສດຖະກິດໃຫຍ່ທີ 2 ໃນໂລກ, ການເປີດກວ້າງຢ່າງຕໍ່ເນື່ອງຂອງຂະໜາດການບໍລິໂພກແລະການນຳເຂົ້າຂອງຈີນຈະສະໜອງກຳລັງແຮງດ້າກການເຕີບໂຕຢ່າງບໍ່ຢຸດຢັ້ງເຂົ້າໃນການຄ້າຂອງໂລກ.
 |
