ຕອນເຊົ້າວັນທີ 4 ພຶດສະພານີ້, ພິທີລະນຶກວັນເກີດ ຂອງທ່ານຄານ ມາກຄົບຮອບ 200 ປີໄດ້ຈັດຂຶ້ນຢູ່ນະຄອນຫຼວງປັກກິ່ງ, ໂດຍສະຫາຍສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນທັງເປັນປະທານຄະນະກຳມະການການທະຫານສູນກາງຈີນໄດ້ກ່າວສູນທອນພົດທີ່ສຳຄັນໂດຍຊີ້ອອກວ່າ, ໃນປະຫວັດສາດຂອງແນວຄິດມະນຸດ, ບໍ່ມີທິດສະດີແນວຄິດໃດໆທີ່ໄດ້ສ້າງຜົນສະທ້ອນຢ່າງກວ້າງຂວາງ ແລະເລິກເຊິ່ງຕໍ່ມວນມະນຸດຄືລັດທິມາກ. ຜູ້ຊ່ຽວຊານ ແລະສື່ມວນຊົນຕ່າງປະເທດກ່າວວ່າ, ແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ເປັນໝາກຜົນຫຼ້າສຸດຂອງລັດທິມາກເຊື່ອມໂຍງກັບສະພາບຄວາມເປັນຈິງຂອງຈີນ, ເຊື່ອວ່າພຶດຕິກຳຂອງຈີນຈະຊຸກຍູ້ໃຫ້ລັດທິມາກຂະຫຍາຍຕົວຕື່ມອີກ. ຫວັງວ່າພັກກອມມູນິດຈີນຈະນຳໃຊ້ທິດສະດີລັດທິມາກເຂົ້າໃນພຶດຕິກຳໄດ້ດີກວ່າເກົ່າ, ນຳພາຈີນຮັບມືກັບສິ່ງທ້າທາຍຕ່າງໆໃນອະນາຄົດ.
ທ່ານສິດທິໄຊ ໄຊຍະວົງ, ຫົວໜ້າສູນຄົ້ນຄວ້າປະເທດຈີນຂອງມະຫາວິທະ ຍາໄລແຫ່ງຊາດລາວເຫັນວ່າ, ແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ແມ່ນໝາກຜົນຫຼ້າສຸດທີ່ລັດທິມາກ-ເລນິນເຊື່ອມໂຍງກັບສະພາບຄວາມເປັນຈິງຂອງປະເທດຈີນ, ເຊິ່ງຈະເຮັດໃຫ້ຈີນພັດທະນາຢ່າງເຂັ້ມແຂງກວ່າເກົ່າ.
ທ່ານສີຄູນ ບຸນວິໄລ ເລຂາທິການສະມາຄົມມິດຕະພາບລາວຈີນກ່າວວ່າ, ພັກກອມມູນິດຈີນໄດ້ຖືປະຊາຊົນເປັນໃຈກາງຢ່າງສະເໝີຕົ້ນສະເໝີປາຍ, ມີສະຕິຕື່ນຕົວໃນການປັບຕົນເອງເພື່ອສອດຄ່ອງກັບການພັດທະນາຂອງຍຸກສະໄໝ ແລະສັງຄົມ, ມີຄວາມກ້າຫານໃນການລົງເລິກການປະຕິຮູບ, ເຮັດໃຫ້ພັກ ແລະລັດໄດ້ຮັບການສ້າງສາ ແລະພັດທະນາດີກວ່າເກົ່າ. ພັກກອມມູນິດຈີນໄດ້ນຳພາປະເທດຈີນຈາກຄວາມທຸກຍາກຫຼ້າຫຼັງກ້າວໄປສູ່ຄວາມຮັ່ງມີເຂັ້ມແຂງ, ເປັນຕົວຢ່າງໃຫ້ແກ່ປະເທດພວມພັດທະນາ.
ຂ່າວສານລອຍເຕີຂອງອັງກິດ ແລະຂ່າວສານອາແອັຟເປຂອງຝຣັ່ງລາຍງານວ່າ, ເນື່ອງໃນໂອກາດວັນເກີດຂອງທ່ານມາກຄົບຮອບ 200 ປີ, ສູນທອນພົດຂອງທ່ານສີຈິ້ນຜິງສະແດງໃຫ້ເຫັນວ່າ, ພັກກອມມູນິດຈີນຈະຍຶດໝັ້ນ ແລະພັດທະນາລັດທິມາກ, ກໍຄືທ່ານສີຈິ້ນຜິງໄດ້ກ່າວວ່າ, ພັກກອມມູນິດຈີນໄດ້ລະບຸລັດທິມາກໄວ້ຢູ່ໃນຄັນທຸງຂອງຕົນນັ້ນແມ່ນຖືກຕ້ອງຢ່າງເຕັມທີ່.
ທ່ານໂດທຽນຊຳ, ອະດີດຫົວໜ້າສະຖາບັນຄົ້ນຄວ້າຈີນຂອງສະຖາບັນວິທະຍາສາດສັງຄົມຫວຽດນາມກ່າວວ່າ, ສູນທອນພົດຂອງທ່ານສີຈິ້ນຜິງໄດ້ເນັ້ນຄວາມໝາຍສຳຄັນຂອງລັດທິມາກຕໍ່ຈີນ, ລັດທິມາກເຊື່ອມໂຍງກັບສະພາບຄວາມເປັນຈິງຂອງຈີນນັ້ນບໍ່ພຽງແຕ່ໄດ້ປ່ຽນແປງຊາຕາກຳຂອງຈີນໃນອະດີດ, ຍັງຈະສືບຕໍ່ຊ່ວຍຈີນພັດທະນາຕໍ່ໄປ, ແລະບັນລຸຄວາມຝັນຂອງຈີນທີ່ຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ, ຫວັງວ່າພັກກອມມູນິດຈີນຈະນຳໃຊ້ລັດທິມາກເຂົ້າໃນພຶດຕິກຳໄດ້ດີກວ່າເກົ່າ, ນຳພາປະເທດຈີນຮັບມືກັບສິ່ງທ້າທາຍຕ່າງໆໃນອະນາຄົດ.