ກ່ອນໜ້ານີ້ 89 ປີຄືປີ 1927, ທ່ານ ເໝົາເຈິຕຸງ ໄດ້ນຳພາກອງທັບປະຕິວັດກຳມະກອນ-ກະສິກອນທີ່ເຂົ້າຮ່ວມການປະຕິວັດ "ຊິວໂຊ" ເດີນທາງມາເຖິງພູຈິງກ່າງແຂວງຈ່ຽງຊີ່ແລະພໍມາເຖິງທີ່ນີ້ກໍໄດ້ເລີ່ມສ້າງຖານທີ່ໝັ້ນການປະຕິວັດຢູ່ ຊົນນະບົດເປັນແຫ່ງທຳອິດເຊິ່ງນັ້ນກໍຄືພູຈິງກ່າງ. ການສ້າງຕັ້ງຖານທີ່ໝັ້ນດັ່ງກ່າວເປັນການບຸກເບີກເສັ້ນທາງແຫ່ງການຕໍ່ສູ້ທີ່ຖືກຕ້ອງຄືສ້າງຄວາມແຂງແກ່ນຢູ່ຊົນນະບົດທີ່ລ້ອມຮອບຕົວເມືອງເພື່ອກ້າວໄປສູ່ການຍຶດເອົາຕົວເມືອງແລະເປັນພື້ນຖານໃຫ້ແກ່ກຸ່ມປະກອບອາວຸດປະຕິວັດຈີນໃນການຕໍ່ສູ້ປົດປ່ອຍຊາດແລະຍຶດເອົາອຳນາດມາສູ່ປະຊາຊົນໃນທົ່ວປະເທດ.
