ບ້ານລີ້ຊິນຕາແສງກາສືເກິ່ນເມືອງເຈິ້ນລ້າຍແຂວງຈີລິນ ທາງພາກຕາເວັນອອກສຽງເໜືອສປຈີນເປັນບ້ານທຸກຍາກແລະຖືເອົາການປູກຝັງເປັນຕົ້ນຕໍ. ທົ່ວບ້ານມີປະຊາກອນພຽງ 197 ຄອບຄົວ 630ຄົນເທົ່ານັ້ນ ແລະ ຫຼາຍກວ່າ 95% ປູກເຂົ້າເປັນຕົ້ນຕໍ.
ປັດຈຸບັນ, ບ້ານລີ້ຊິນກຳລັງກໍ່ສ້າງເຂດນິຄົມອຸດສາຫະກຳເຫັດຫູໜູ ເຊິ່ງເປັນຮູບແບບໜຶ່ງເພື່ອຫຼຸດພົ້ນອອກຈາກຄວາມທຸກຍາກໂດຍການສຶກສາຄົ້ນຄວ້າຮ່ວມກັນຂອງຕາແສງກາສືເກິ່ນແລະບ້ານລີ້ຊິນ. "ວິສາຫະກິດກ້າວນຳພາບວກຄອບຄົວທຸກຍາກ"ເປັນຮູບແບບລຶບລ້າງຄວາມທຸກຍາກແບບໜຶ່ງທີ່ເມືອງເຈິ້ນລ້າຍປະຕິບັດຢູ່ບ້ານດັ່ງກ່າວເພື່ອເຮັດໃຫ້ຄອບຄົວທຸກຍາກມີລາຍຮັບເພີ່ມຂຶ້ນ,ຮັບປະກັນໃຫ້ຜູ້ທີ່ບໍ່ມີຄວາມສາມາດອອກແຮງງານນັ້ນມີລາຍຮັບໂດຍພື້ນຖານທັງຊຸກຍູ້ຄອບຄົວທຸກຍາກຂອງເມືອງດັ່ງກ່າວຫຼຸດພົ້ນອອກຈາກຄວາມທຸກຍາກ.
ນັກຂ່າວລາຍງານວ່າ: ປີ 2017 ນີ້,ແຂວງຈີລິນຈະປະຕິບັດມາດຕະການຕ່າງໆເປັນຕົ້ນການກໍ່ສ້າງພື້ນຖານໂຄງລ່າງ,ພັດທະນາອຸດສາຫະກຳ,ສ້າງວຽກເຮັດງານທຳ,ປັບປຸງລະບົບປະກັນສັງຄົມໃຫ້ສົມບູນຂຶ້ນແລະອື່ນໆເພື່ອບັນລຸເປົ້າໝາຍເຮັດໃຫ້ 2 ແສນຄົນຫຼຸດພົ້ນອອກຈາກຄວາມທຸກຍາກແລະລຶບລ້າງບ້ານທຸກຍາກໃຫ້ໄດ້ 600 ບ້ານ.