ແມ່ນ້ຳຢາລົງຈາງໂບເປັນແມ່ນ້ຳເທິງພູພຽງທີ່ຍາວກວ່າໝູ່ຂອງຈີນ ເຊິ່ງຕັ້ງຢູ່ເຂດປົກຄອງຕົນເອງຕິເບດ ທັງເປັນໜຶ່ງໃນບັນດາແມ່ນ້ຳໃຫຍ່ທີ່ສູງຈາກໜ້ານ້ຳທະເລສູງສຸດໃນໂລກ.ຄຳວ່າ ຢາລົງຈາງໂບ ໃນພາສາຕິເບດໝາຍຄວາມວ່າ ນ້ຳໄຫຼຈາກຈອມພູ ແລະເຜົ່າຕິເບດຖືເປັນ "ອູ່"ແລະແມ່ນ້ຳມານດາ. ຍ່ານເໜືອຂອງແມ່ນ້ຳຢາລົງຈາງໂບເປັນແມ່ນ້ຳສູງຈາກລະດັບໜ້ານ້ຳທະເລຫຼາຍກວ່າໝູ່ໃນໂລກ ທັງເປັນແມ່ນ້ຳທີ່ໄຫຼຜ່ານພູມສັນຖານຊັນຄ້ອຍທີ່ສຸດຂອງຈີນ. ແມ່ນ້ຳດັ່ງກ່າວມີຍອດນ້ຳມາຈາກລານນ້ຳກ້ອນເຈມາຢາງຈົ່ງຢູ່ຕີນພູທິດເໜືອງຂອງພູຫິມະໄລ ທາງພາກຕາເວັນຕົກສຽງໃຕ້ຂອງຕິເບດ ໂດຍແມ່ນ້ຳດັ່ງກ່າວໄດ້ໄຫຼຜ່ານພາກໃຕ້ຕິເບດແຕ່ຕາເວັນຕົກຫາຕາເວັນອອກ ແລ້ວລ້ຽວຜ່ານພູນາມຈາບຣາວາ (Namjagbrawa)ສົ້ນຕາເວັນອອກສຸດຂອງສາຍພູຫິມະໄລຈາກນັ້ນກໍໄຫຼໄປທິດໃຕ້ຜ່ານປາຊິກຮັດ( Pasighat )ອອກຈາກຈີນສູ່ອິນເດຍ.
