ທ່ານບັນກີມູນຈະເດີນທາງໄປມຽນມາເພື່ອເຂົ້າຮ່ວມກອງປະຊຸມສຸດຍອດອາຊີຕາເວັນອອກ
2014-11-05 18:13:05 cri
ຜູ້ໃຫ້ຂໍ້ມູນຂ່າວຂອງລັດຖະບານສ ເກົາຫຼີຫຼາຍຄົນໄດ້ເຜີຍໃຫ້ຮູ້ໃນວັນທີ 5 ພະຈິກນີ້ວ່າ, ໂດຍຕອບສະໜອງຕາມຄຳເຊີນຈາກຝ່າຍອາຊຽນ, ທ່ານບັນກີມູນ ເລຂາທິການໃຫຍ່ອົງການສະຫະປະຊາຊາດຈະເຂົ້າຮ່ວມກອງປະຊຸມສຸດຍອດອາຊີຕາເວັນອອກທີ່ຈະຈັດຂຶ້ນແຕ່ວັນທີ 12 ຫາວັນທີ 13 ຢູ່ນະຄອນຫຼວງເນປີດໍຂອງມຽນມາ. ຂ່າວສານໂຢນຮັບສ ເກົາຫຼີລາຍງານວ່າ, ເນື່ອງຈາກວ່າ ທ່ານນາງປັກເກິນເຮ ປະທານາທິບໍດີສ ເກົາຫຼີກໍຈະເຂົ້າຮ່ວມກອງປະຊຸມໃນຄັ້ງນີ້ເຊັ່ນກັນ, ດ້ວຍເຫດນີ້, ການທີ່ຜູ້ນຳທັງສອງທ່ານດັ່ງກ່າວນີ້ຈະດຳເນີນການພົບປະກັນໃນໄລຍະກອງປະຊຸມຫຼືບໍ່ນັ້ນເປັນເລື່ອງທີ່ໄດ້ຮັບຄວາມສົນໃຈຫຼາຍ. ທ່ານບານກີມູນເຂົ້າຮ່ວມກອງປະຊຸມສຸດຍອດອາຊີຕາເວັນອອກເປັນເລື່ອງທີ່ບໍ່ຄ່ອຍເຫັນພໍເທົ່າໃດ.