ຊຸກຍູ້ວຽກງານດັດແກ້ກົດໝາຍເພື່ອແກ້ໄຂຄວາມຫຍຸ້ງຍາກໃນການປ້ອງກັນລິຂະສິດໃຫ້ດີ
2017-03-12 16:01:38 cri
ວັນທີ 12 ມີນານີ້, ທ່ານເຊີ່ນສາງຢີ ຫົວໜ້າກົມສິດຊັບສິນທາງປັນຍາແຫ່ງຊາດຈີນໄດ້ຕອບ ຄຳຖາມຂອງນັກຂ່າວຢູ່ຫໍສະພາປະຊາຊົນແຫ່ງຂາດຈີນໂດຍກ່າວວ່າ, ປີນີ້ຈະຕັ້ງໜ້າຊຸກຍູ້ແລະປະສານສົມທົບເຂົ້າໃນວຽກງານດັດແກ້ກົດໝາຍວ່າດ້ວຍລິຂະສິດໃຫ້ດີ, ແກ້ໄຂບັນຫາທີ່ຊອກຫາຂໍ້ມູນຫຼັກຖານຍາກແລະໃຊ້ເວລາດົນນານເປັນຕົ້ນໃນການປ້ອງກັນລິຂະສິດນັ້ນໃຫ້ດີຢ່າງແທ້ຈິງ.
ທ່ານເຊີ່ນສາງຢີກ່າວວ່າ, ປີນີ້ຈະເລັ່ງລັດສ້າງແທ່ນປົກປ້ອງສິດຊັບສິນທາງປັນຍາໃຫ້ໄວຕື່ມອີກ, ບັນລຸການຍົກຍ້າຍແລະຫັນປ່ຽນສິດຊັບສິນທາງປັນຍາ, ອອກແຮງບົ່ມເພາະອຸດສາຫະກຳແບບໃຊ້ສະຕິປັນຍາສຸມ, ເຊັ່ນສື່ສານເຄື່ອນທີ່ຮຸ້ນໃໝ່ ການຜະລິດແບບສະມາດ ການຜະລິດຢາຊີວະຊາດ ແລະອຸດສາຫະກຳລິຂະສິດທີ່ກຳລັງເຕີບໃຫຍ່ຂະຫຍາຍຕົວ.
ທ່ານກ່າວວ່າ, ຍັງຈະສືບຕໍ່ປັບປຸງກົນໄກຂີດແບ່ງສິດຊັບສິນທາງປັນຍາໃຫ້ສົມບູນກວ່າເກົ່າ, ແກ້ໄຂບັນຫາ 3 ດ້ານຄື ສິດເຈົ້າຂອງ, ສິດຮັບຜົນປະໂຫຍດ ແລະສິດຊຳລະແກ້ໄຂ, ເພື່ອເຮັດໃຫ້ຜູ້ປະດິດສ້າງສາມາດໄດ້ຮັບຜົນປະໂຫຍດແທ້ຈິງໃນການປະດິດສ້າງ.
