ລັດຖະມົນຕີກະຊວງການຄ້າຈີນເຂົ້າຮ່ວມກອງປະຊຸມ ລັດຖະມົນຕີເສດຖະກິດການຄ້າຄັ້ງທີ 5 ຂອງປະເທດກອງປະຊຸມສຸດຍອດອາຊີຕາເວັນ
2017-09-10 15:32:39 cri
ໃນໄລຍະເຂົ້າຮ່ວມກອງປະຊຸມລັດຖະມົນຕີເສດຖະກິດການຄ້າກ່ຽວກັບການຮ່ວມມືອາຊີຕາເວັນອອກຢູ່ນະຄອນຫຼວງມານີຣາປະເທດຟີລິບປີນ, ທ່ານຈົ່ງຊ່ານ ລັດຖະມົນຕີກະຊວງການຄ້າຈີນໄດ້ເຂົ້າຮ່ວມກອງປະຊຸມລັດຖະມົນຕີເສດຖະກິດການຄ້າຄັ້ງທີ 5 ຂອງປະເທດກອງປະຊຸມສຸດຍອດອາຊີຕາເວັນອອກຫຼື EAS.
ທ່ານຈົ່ງຊ່ານຊີ້ໃຫ້ເຫັນວ່າ, ຈີນແມ່ນກຸ່ມເສດຖະກິດທີ່ສຳຄັນໃນໂລກ, ກໍຄືປະເທດສະມາຊີສຳຄັນຂອງເຂດອາຊີປາຊີຟິກ. ການທີ່ເຮັດວຽກງານພັດທະນາຂອງຈີນໃຫ້ດີ, ກໍຄືການປະກອບສ່ວນໃຫຍ່ທີ່ສຸດຕໍ່ໂລກ. ນັບແຕ່ຕົ້ນປີນີ້ມາ, ເສດຖະກິດຈີນໄດ້ມີທ່າອຽງທີ່ດີບົນພື້ນຖານໝັ້ນທ່ຽງ, ຕົວເລກດັດຂະນີຕົ້ນຕໍດ້ານເສດຖະກິດໃນ 6 ເດືອນຕົ້ນປີນີ້ລ້ວນແຕ່ດີກວ່າການຄາດໝາຍ. ຈີນຍິນດີພາບໃຕ້ຂອບກອງປະຊຸມສຸດຍອດອາຊີຕາເວັນອອກ, ຍຶດໝັ້ນຫຼັກການທີ່ຖືອາຊຽນເປັນຜູ້ນຳພາ, ປະສານສົມທົບກັບອາຊຽນ, ແລະເອົາໃຈໃສ່ຜົນປະໂຫຍດຂອງຝ່າຍຕ່າງໆ, ຍຶດໝັ້ນພັດທະນາເສດຖະກິດແລະຄວາມປອດໄພດ້ານການເມືອງພ້ອມກັນ, ແລະຮ່ວມກັບບັນດາຝ່າຍ, ສືບຕໍ່ຊຸກຍູ້ໃຫ້ການຮ່ວມມືລະຫວ່າງພາກພື້ນອາຊີຕາເວັນອອກໄດ້ຮັບຄວາມຄືບໜ້າຢ່າງບໍ່ຢຸດຢັ້ງ.
ຜູ້ຮັບຜິດຊອບຂອງພາກສ່ວນເສດຖະກິດການຄ້າຂອງ 10 ປະເທດອາຊຽນແລະອາເມລິກາ, ຮັດເຊຍ, ຍີ່ປຸ່ນ, ສ ເກົາຫຼີ, ອົສຕຼາລີ, ນູແວງເຊລັງ, ອິນເດຍແລະເລຂາທິການໃຫຍ່ອາຊຽນໄດ້ເຂົ້າຮ່ວມກອງປະຊຸມດັ່ງກ່າວ, ແລະໄດ້ແລກປ່ຽນຄວາມເຫັນກ່ຽວກັບສະພາບການກະກຽມຂົງເຂດເສດຖະກິດການຄ້າຂອງກອງປະຊຸມສຸດຍອດອາຊີຕາເວັນອອກຄັ້ງທີ 12 ແລະການພັດທະນາເສດຖະກິດຂອງພາກພື້ນແລະສາກົນ.
