ນາຍົກຈີນກ່າວ: ຈີນ ແລະບັນດາປະເທດອາຊຽນປະກາດເລີ່ມປຶກສາຫາລືກົດແຫ່ງ ການປະພຶກຢູ່ທະເລຈີນໃຕ້
2017-11-13 20:22:59 cri
ກອງປະຊຸມຜູ້ນຳຈີນ-ອາຊຽນ(10+1)ຄັ້ງທີ 20 ໄດ້ຈັດຂຶ້ນຢູ່ສູນປະຊຸມສາກົນຟິລິບປິນ ໃນຕອນບ່າຍວັນທີ 13 ພະຈິກນີ້. ຂະນະທີ່ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ປະກາດວ່າ ຈີນແລະບັນດາປະເທດອາຊຽນເລີ່ມປຶກສາຫາລືກັນກ່ຽວກັບເນື້ອໃນລະອຽດຂອງກົດແຫ່ງການປະພຶກຢູ່ທະເລຈີນໃຕ້ ຫຼື COC.
ທ່ານຫຼີເຄີ້ສຽງ ກ່າວວ່າ, ການຄ້າຂອງຈີນສ່ວນຫຼາຍທີ່ສຸດແມ່ນຂົນສົ່ງໄປມາຕາມທະເລຈີນໃຕ້, ສະນັ້ນ ຈີນຫວັງຢ່າງຍິ່ງໂດຍທີ່ໃຫ້ທະເລຈີນໃຕ້ມີສັນຕິພາບແລະສະຖຽນລະພາບ. ເປົ້າໝາຍຂອງຈີນທີ່ສຸມໃສ່ປົກປັກຮັກສາສັນຕິພາບແລະສະຖຽນລະພາບຢູ່ທະເລຈີນໃຕ້ບໍ່ມີການປ່ຽນແປງແຕ່ຢ່າງໃດ, ຈຸດຢືນແລະນະໂຍບາຍທີ່ແກ້ໄຂຄວາມຂັດແຍ້ງກັນດ້ານດິນແດນແລະສິດຜົນປະໂຫຍດທາງທະເລໂດຍຜ່ານການເຈລະຈາກັບປະເທດທີ່ກ່ຽວຂ້ອງໂດຍກົງນັ້ນກໍບໍ່ມີການປ່ຽນແປງແຕ່ຢ່າງໃດ.
ທ່ານຫຼີເຄີ້ສຽງຊີ້ວ່າ, ຈີນຄອງຄອຍຮ່ວມກັບບັນດາປະເທດອາຊຽນຍຶດຖືທ່າທີທີ່ສ້າງສັນແລະຫາລືກັນຢ່າງມີໄມຕີຈິດ, ສືບຕໍ່ຈັດຕັ້ງປະຕິບັດຕາມ ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້ຢ່າງຮອບດ້ານແລະມີປະສິດທິ, ຕັ້ງໜ້າຊຸກຍູ້ການປຶກສາຫາລືກົດແຫ່ງການປະພຶດຂອງບັນດາຝ່າຍໃນທະເລຈີນໃຕ້ແລະຂອບ COC ທີ່ບັນດາຝ່າຍຕົກລົງກັນນັ້ນໄດ້ຮິບໂຮມຄວາມເປັນເອກະພາບກັນຂອງບັນດາຝ່າຍທີ່ມີຕໍ່ປັດໄຈສຳຄັນໃນ COC ເຊິ່ງເປັນຜົນງານສຳຄັນທີ່ມີລັກສະນະຂັ້ນຕອນຂອງການປຶກສາຫາລື. ຈີນລິເລີ່ມໃຫ້ກອງປະຊຸມຄັ້ງນີ້ປະກາດເລີ່ມປຶກສາຫາລືເນື້ອໃນລະອຽດຂອງ COC ໃນຂັ້ນຕອນຕໍ່ໄປ.ພວກເຮົາຫວັງວ່າຜ່ານການປຶກສາຫາລືກັນ, ສາມາດເສີມສ້າງຄວາມເຂົ້າໃຈແລະຄວາມໄວ້ເນື້ອເຊື່ອໃຈເຊິ່ງກັນແລະກັນລະຫວ່າງບັນດາຝ່າຍແລະພະຍາຍາມໃຫ້ບັນລຸການສ້າງ COC ໂດຍໄວບົນພື້ນຖານທີ່ຫາລືຢ່າງເປັນເອກະພາບກັນ, ເຮັດໃຫ້ COC ນນີ້ກາຍເປັນສິ່ງຄ້ຳປະກັນຕໍ່ສັນຕິພາບຢູ່ທະເລຈີນໃຕ້.