ເຈົ້າຊາຍອັງກິດໄດ້ຮັບຕຳແໜ່ງເປັນປະມຸກລັດຂອງເຄືອຈັກກະພົບອັງກິດ
2018-04-21 17:37:12 cri
ວັນທີ 20 ເມສານີ້, ຜູ້ຕາງໜ້າທີ່ເຂົ້າຮ່ວມກອງປະຊຸມຫົວໜ້າລັກຖະບານເຄືອຈັກກະພົບອັງກິດໄດ້ອະນຸມັດໃຫ້ທ່ານ ເຈົ້າຊາຍຊາເລັສເປັນປະມຸກລັດເຄືອຈັກກະພົບອັງກິດຊຸດໜ້າ.
ກອງປະຊຸມດັ່ງກ່າວໄດ້ອອກຖະແຫຼງການໃນມື້ດັ່ງກ່າວວ່າ: ເຈົ້າຊາຍຊາເລັສຈະດຳລົງຕຳແໜ່ງເປັນປະມຸກລັດຂອງເຄືອຈັກກະພົບອັງກິດຊຸດໜ້າ. ທຸກປະເທດສະມາຊິກຂອງເຄືອຈັກກະພົບອັງກິດຮູ້ສຶກພໍໃຈຕໍ່ການນຳຂອງປະມຸກລັດຄົນປັດຈຸບັນຄືທ່ານນາງອິລີຊະເບັສ ລັດຊະການທີສອງ ພະລາຊີນີອັງກິດ. ແຕ່ຖະແຫຼງການດັ່ງກ່າວບໍ່ໄດ້ເປີດເຜີຍວ່າ ເຈົ້າຊາຍຊາເລັສຈະດຳລົງຕຳແໜ່ງດັ່ງກ່າວໃນເວລາໃດ.
ປັດຈຸບັນນີ້, ເຄືອຈັກກະພົບອັງກິດມີປະເທດສະມາຊິກ 53 ປະເທດ, ສ່ວນຫຼາຍແມ່ນອະດີດປະເທດເມືອງຂຶ້ນ ຫຼື ອະດີດປະເທດບໍລິວານຂອງອັງກິດ. ກອງປະຊຸມຫົວໜ້າລັດຖະບານເຄືອຈັກກະພົບອັງກິດໄດ້ຈັດຂຶ້ນຢູ່ວັງບູກິງຮາມນະຄອນຫຼວງລອນດອນໃນວັນທີ 19 ເມສານີ້. ທ່ານນາງອີລີຊະເບັສ ລັດຊະການທີສອງໄດ້ກ່າວໃນພິທີເປີດວ່າ: ຫວັງຢາກໃຫ້ເຈົ້າຊາຍຊາເລັສ ລູກຊາຍກົກຂອງຕົນເປັນປະມຸກລັດເຄືອຈັກກະພົບອັງກິດແທນຕົນເອງ.
