ປິດງານຮູບເງົາສາກົນປັກກິ່ງຄັ້ງທີ 8
2018-04-23 15:34:16 cri
ງານຮູບເງົາສາກົນປັກກິ່ງທີ່ດຳເນີນມາເປັນເວລາ 8 ວັນໄດ້ອັດລົງໃນວັນທີ 22 ເມສານີ້ ເຊິ່ງງານຮູບເງົາຄັ້ງນີ້ໄດ້ມີຜູ້ປະກອບການຮູບເງົາຈີນດີເດັ່ນຈາກມາເລເຊຍ,ສິງກະໂປ,ອາເມລິກາ,ຝຣັ່ງຮວມເຖິງປະເທດແລະເຂດແຄວ້ນອື່ນໆເຂົ້າຮ່ວມເປັນຈຳນວນຫຼາຍ,ໂດຍສາມາດຮັບສະໝັກໂຄງການລົງທຶນເພື່ອປະກອບທຸລະກິດໃນຕະຫຼາດຮູບເງົາທັງໝົດ 722 ໂຄງການ, ບໍ່ພຽງແຕ່ສ້າງສະຖິຕິໃນດ້ານປະລິມານການສະໝັກເທົ່ານັ້ນ, ຍັງໄດ້ສ້າງຊື່ສຽງແລະອິດທິພົນໃນວົງການຮູບເງົາໃຫ້ສູງຂຶ້ນຕື່ມອີກ.
ໃນດ້ານການຮ່ວມມືສາກົນ, ງານຮູບເງົາສາກົນປັກກິ່ງໄດ້ຕອບຮັບຂໍ້ລິເລີ່ມ "ໜຶ່ງແລວໜຶ່ງເສັ້ນທາງ"ໂດຍບໍລິສັດຈີນໄດ້ເຊັນໂຄງການຖ່າຍທຳຮູບເງົາຮ່ວມກັບຝຣັ່ງ,ແອັສປາຍ,ອູແກຼນແລະປະເທດອື່ນໆໃນງານຄັ້ງນີ້.
ອັດຕາຜູ້ຊົມຮູບເງົາທີ່ສາຍໃນງານຮູບເງົາປີນີ້ບັນລຸເຖິງ 71,33%,ເຊິ່ງສ່ອງແສງໃຫ້ເຫັນວ່າ ຜູ້ຊົມມີຄວາມຕ້ອງການເບິ່ງຮູບເງົາສິລະປະໃນອັດຕາສູງ ທັງສ່ອງແສງເຖິງທ່າອ່ຽງການບໍລິໂພກຮູບເງົາຂອງຈີນໃນຫຼາກຫຼາຍຮູບແບບຂຶ້ນຕື່ມ. ໃນໄລຍະ 8 ປີທີ່ຈັດງານຮູບເງົາສາກົນປັກກິ່ງຜ່ານມາ, ມູນຄ່າສັນຍາຕະຫຼາດຮູບເງົາໄດ້ບັນລຸເຖິງ 101 ຕື້ 36 ລ້ານຢວນ ແລະໂຄງການສັນຍາໄດ້ກວມທົ່ວທຸກຂະແໜງການຮູບເງົາ.
