ໄຕມາດທີໜຶ່ງປີນີ້ ຍອດມູນຄ່າສິນຄ້າຈໍລະຈອນໃນສັງຄົມຈີນບັນລຸ 62.400 ຕື້ຢວນ
2018-04-24 16:44:53 cri
ວັນທີ 24 ເມສານີ້, ສະຫະພັນຈໍລະຈອນສິນຄ້າແລະການຈັດຊື້ຈີນເປີດເຜີຍຂໍ້ມູນຫຼ້າສຸດສະແດງໃຫ້ເຫັນວ່າ: ໄຕມາດທີໜຶ່ງຂອງປີນີ້, ຍອດມູນຄ່າສິນຄ້າຈໍລະຈອນໃນສັງຄົມຈີນບັນລຸ 62.400 ຕື້ຢວນ ເພີ່ມຂຶ້ນ 7,2% ເມື່ອທຽບໃສ່ໄລຍະດຽວກັນຂອງປີກາຍ ແລະຈັງຫວະການເຕີບໂຕໄດ້ສູງຂຶ້ນ 0,1% ເມື່ອທຽບໃສ່ໄລຍະດຽວກັນຂອງປີກາຍ ແລະເພີ່ມຂຶ້ນ 0,5% ເມື່ອທຽບໃສ່ໝົດປີຂອງປີກາຍນີ້.
ນັກວິເຄາະຈາກສູນຂໍ້ມູນຂ່າວສານຈໍລະຈອນສິນຄ້າຈີນເປີດເຜີຍວ່າ: ນັບແຕ່ຕົ້ນປີນີ້ມາ, ຂະແໜງການຈໍລະຈອນສິນຄ້າຂອງຈີນໄດ້ມີເງື່ອນໄຂແລະປັດໄຈເອື້ອອຳນວຍຫຼາຍຂຶ້ນເພື່ອຂະຫຍາຍຕົວຢ່າງມີຄຸນນະພາບສູງ, ຕະຫຼາດຈໍລະຈອນສິນຄ້າກໍເປີດກວ້າງອອກຢ່າງຕໍ່ເນື່ອງໂດຍສາມາດຮັກສາການເຕີບໂຕອ່າວໄວ. ຍອດລາຍໄດ້ຂອງຂະແໜງການຈໍລະຈອນສິນຄ້າໃນໄຕມາດທີໜຶ່ງບັນລຸເຖິງ 2.100 ຕື້ຢວນ,ເພີ່ມຂຶ້ນ 8,2% ເມື່ອທຽບໃສ່ໄລຍະດຽວກັນຂອງປີກາຍ.
