ຕະຫຼາດລິຂະສິດທາງອິນເຕີເນັດຈີນປີ 2017 ບັນລຸມູນຄ່າຫຼາຍກວ່າ 600 ຕື້ຢວນ
2018-04-24 16:16:39 cri
ຕາມຂ່າວCRI: ວັນທີ 23 ເມສານີ້, ສູນຄົ້ນຄວ້າອຸດສາຫະກຳລິຂະສິດທາງອິນເຕີເນັດຂອງອົງການລິຂະສິດແຫ່ງຊາດຈີນໄດ້ເຜີຍແຜ່ບົດລາຍງານການພັດທະນາອຸດສາຫະກຳລິຂະສິດທາງອິນເຕີເນັດຈີນ 2018 ຢູ່ປັກກິ່ງ. ບົດລາຍງານສະແດງໃຫ້ເຫັນວ່າ, ຕາມການຄິດໄລ່, ປີ 2017, ຕະຫຼາດອຸດສາຫະກຳລິຂະສິດທາງອິນເຕີເນັດຂອງຈີນໄດ້ບັນລຸມູນຄ່າເຖິງ 636,5 ຕື້ຢວນ, ໄດ້ເພີ່ມຂຶ້ນ 27,2% ເມື່ອທຽບໃສ່ໄລຍະດຽວກັນຂອງປີ 2016. ໃນນັ້ນ, ຍອດເງິນຈາກການຈ່າຍຄ່າລິຂະສິດຈາກຜູ້ໃຊ້ອິນເຕີເນັດໃຫ້ແກ່ອຸດສາຫະກຳລິຂະສິດທາງອິນເຕີເນັດຂອງຈີນໄດ້ບັນລຸມູນຄ່າເຖິງ 318,4 ຕື້ຢວນ, ກວມຫຼາຍກວ່າ 50%.
ບົດລາຍງານຍັງໄດ້ກ່າວເຖິງສິ່ງທ້າທາຍຂອງອຸດສາຫະກຳລິຂະສິດທາງອິນເຕີເນັດຂອງຈີນກໍ່ຄືການຜະເຊີນສະພາວະຜົນກຳໄລຫຼຸດລົງ. ສະນັ້ນ, ຄວນຖືເອົາການຍົກສູງຄຸນນະພາບຂອງຕະຫຼາດບໍລິໂພກເປັນຈຸດສຸມຂອງການແຂ່ງຂັນໃນອະນາຄົດ.
