 |
 |
 |
 |
|
|
|
|
ວັນທີ 24 ເມສານີ້, ນັກຂ່າວໄດ້ຮັບເອກະສານຈາກອົງການການຄ້າໂລກ ເຊິ່ງສະແດງໃຫ້ເຫັນວ່າ ອີຢູໄດ້ຮ້ອງຂໍຕໍ່ອົງການການຄ້າໂລກຫວ່າງມໍ່ໆມານີ້ ໂດຍຢາກເຂົ້າຮ່ວມການປຶກສາຫາລືທີ່ຈີນສະເໜີຕໍ່ອົງການການຄ້າໂລກເພື່ອຫວັງຈະແກ້ໄຂບັນຫາໃນກົນໄກແກ້ໄຂຄວາມຂັດແຍ້ງຂອງອົງການການຄ້າໂລກຕໍ່ກໍລະນີທີ່ອາເມລິກາໃຊ້ມາດຕະການພາສີຕໍ່ຜະລິດຕະພັນເຫຼັກກ້າແລະອາລູມີນຽມ.
ຂ່າວລາຍງານວ່າ ຫວ່າງມໍ່ໆມານີ້, ອີຢູໄດ້ຍື່ນເອກະສານໃຫ້ອົງການການຄ້າໂລກ ໂດຍລະບຸວ່າ: ອາເມລິກາໃຊ້ມາດຕະການພາສີອາດຈະມີຜົນກະທົບຢ່າງໃຫຍ່ຕໍ່ການຈຳໜ່າຍແລະສົ່ງອອກຜະລິດຕະພັນເຫຼັກກ້າແລະອາລູມີນຽມຂອງຕົນ, ຂະນະທີ່ຜົນການຫາລືລະຫວ່າງຈີນແລະອາເມລິກາກໍຈະກ່ຽວພັນເຖິງຜົນປະໂຫຍດການຄ້າສຳຄັນຂອງຕົນເຊັ່ນດຽວກັນ ສະນັ້ນ, ຈຶ່ງຂໍເຂົ້າຮ່ວມການປຶກສາຫາລືລະຫວ່າງຈີນ-ອາເມລິກາ.
ວັນທີ 5 ເມສານີ້, ຈີນໄດ້ສະເໜີຕໍ່ອາເມລິກາທີ່ໃຫ້ຈັດການຫາລືສອງຝ່າຍໃນກົນໄກການແກ້ໄຂຄວາມຂັດແຍ້ງຂອງອົງການການຄ້າໂລກ ແລະເປີດການນຳໃຊ້ລະບຽບການແກ້ໄຂຄວາມຂັດແຍ້ງຢ່າງເປັນທາງການ. ຫຼັງຈາກນັ້ນ, ອີຢູກໍໄດ້ສະເໜີຕໍ່ອາເມລິກາເພື່ອຫາລືກ່ຽວກັບອາເມລິກາໃຊ້ມາດຕະການພາສີຕໍ່ຜະລິດຕະພັນເຫຼັກກ້າແລະອາລູມີນຽມ ໃນຂອບ "ສັນຍາມາດຕະການຮັບປະກັນ".
 |
 |
 |