China Unicom ປະກາດຈຸດສຸມລອງໃຊ້ອິນເຕີເນັດລະບົບ 5G ຢູ່ 16 ຕົວເມືອງ
2018-04-27 10:34:53 cri
ຂ່າວສານຊິນຮວາລາຍງານວ່າ: ຢູ່ໃນກອງປະຊຸມຄູ່ຮ່ວມມື China Unicom ແລະງານຊື້ຂາຍເທີມີໂນຂໍ້ມູນຂ່າວສານການສື່ສານ(communication terminal)ທີ່ຈັດຂຶ້ນຢູ່ກຳແພງນະຄອນຈຸ່ງກິ່ງ ສປ ຈີນໃນວັນທີ 26 ເມສານີ້, ບໍລິສັດ China Unicom ປະກາດຈະກຳນົດເອົາ 16 ຕົວເມືອງເປັນຈຸດສຸມລອງໃຊ້ອິນເຕີເນັດລະບົບ 5G.
ໂອກາດກ່າວປາໄສໃນກອງປະຊຸມຄັ້ງນີ້, ທ່ານໝ້າຮົງປິ່ງ ຜູ້ອຳນວຍການໃຫຍ່ພະແນກຮັກສາທຸລະກິດບໍລິສັດ China Unicomໄດ້ປະກາດຂ່າວນີ້ວ່າ: ບໍລິສັດ China Unicom ຈະກຳນົດເອົາ 16 ຕົວເມືອງເປັນຈຸດສຸມລອງໃຊ້ອິນເຕີເນັດລະບົບ 5G ແລະຈະຍົກລະບົບອິນເຕີເນັດ 2G,3G ແລະລະບົບອິນເຕີເນັດທີ່ຫຼ້າຫຼັງຊັກຊ້າຂອງລູກຄ້າໃນປັດຈຸບັນຂຶ້ນເປັນລະບົບ 4G ເພື່ອເພີ່ມປະສິດທິພາບຂອງອິນເຕີເນັດໃຫ້ສູງຂຶ້ນຢ່າງຫຼວງຫຼາຍ. ໃນຕໍ່ໜ້າ, ບໍລິສັດຕົນຍັງຈະບັນລຸການເຮັດໃຫ້ cloud computing ເຊື່ອມໂຍງເຂົ້າກັບເຄືອຂ່າຍອິນເຕີເນັດເພື່ອຊ່ວຍວິສາຫະກິດນັບເປັນລ້ານເຂົ້າເຖິງການບໍລິການ cloud computing.
